സോളാർ റിപ്പോർട്ട്: വെള്ളിയാഴ്ച പ്രത്യേക മന്ത്രിസഭാ യോഗം

തിരുവനന്തപുരം: സോളാർ റിപ്പോ‍ർട്ടിൻ്റെ അടിസ്ഥാനത്തിൽ വെള്ളിയാഴ്ച പ്രത്യേക മന്ത്രിസഭാ യോഗം. സോളാര്‍ റിപ്പോര്‍ട്ടും തുടര്‍നടപടികളും മന്ത്രിസഭാ യോഗം ചര്‍ച്ച ചെയ്തേക്കും.

ഇന്ന് രാവിലെ ഒന്‍പത് മണിക്ക് പ്രത്യേകം വിളിച്ച നിയമസഭാ സമ്മേളനത്തിലായിരുന്നു റിപ്പോര്‍ട്ട് സഭയുടെ മേശപ്പുറത്ത് വെച്ചത്. 40 മിനിട്ടോളമാണ് സഭാ നടപടികള്‍ നീണ്ടുനിന്നത്. നാല് വാല്യങ്ങളിലായി 1078 പേജുള്ള റിപ്പോര്‍ട്ടാണ് സൈറ്റില്‍ പ്രസിദ്ധീകരിച്ചിരിക്കുന്നത്. ഇതില്‍ സരിത ഉന്നയിച്ചിരിക്കുന്ന ലൈംഗികാരോപണങ്ങള്‍ ഉള്‍പ്പെടെ എല്ലാം വിശദമായി പ്രതിപാദിക്കുന്നുണ്ട്. ഉമ്മന്‍ ചാണ്ടി ഉള്‍പ്പെടെ പലരും തന്നെ ലൈംഗികമായി പീഡിപ്പിച്ചിട്ടുണ്ടെന്ന് ചൂണ്ടിക്കാട്ടി സരിത എഴുതിയ കത്ത് റിപ്പോര്‍ട്ടില്‍ അനുബന്ധമായി ചേര്‍ത്തിട്ടുണ്ട്.