സംസ്ഥാന ബജറ്റ് ഇന്ന് അവതരിപ്പിക്കും

തിരുവനന്തപുരം: സംസ്ഥാനത്തെ 70-ാം ബജറ്റ് മന്ത്രി തോമസ് ഐസക്ക് ഇന്ന് നിയമസഭയിൽ അവതരിപ്പിക്കും. രാവിലെ ഒമ്പതിനാണ് അവതരണം. മന്ത്രിയുടെ പത്താമത്തെ ബജറ്റാണിത്. ജി.എസ്.ടി പ്രാബല്യത്തില്‍ വന്ന ശേഷമുളള രണ്ടാമത്തെ ബജറ്റുമാണിതെന്നതാണ് ശ്രദ്ധേയം. ബജറ്റ് പ്രസംഗം ബുധനാഴ്ച രാത്രി മന്ത്രി തോമസ് ഐസക് മുഖ്യമന്ത്രിയെ വായിച്ചു കേള്‍പ്പിച്ചുകഴിഞ്ഞു.

രാവിലെ ഒമ്പതിന് നിയമസഭയിൽ ബജറ്റ് പ്രസംഗം മന്ത്രി ആരംഭിക്കും. പൂര്‍ത്തിയായി കഴിഞ്ഞാല്‍ സ്പീക്കറുടെ അനുമതിയോടെ ബജറ്റ് പ്രസംഗവും രേഖകളും നിയമസഭാംഗങ്ങള്‍ക്ക് വിതരണം ചെയ്യും.
ധനവകുപ്പിന്റെ നേതൃത്വത്തില്‍ സംസ്ഥാനത്തെ എല്ലാ വകുപ്പുകളില്‍ നിന്നും വിവരങ്ങള്‍ ശേഖരിച്ച് രണ്ടു മാസം നീണ്ട പ്രവര്‍ത്തനങ്ങളിലൂടെയാണ് ബജറ്റ് തയ്യറാക്കുന്നത്. എപ്പോഴും കവിതയും മറ്റും ഉള്‍ക്കൊള്ളിച്ച് ബജറ്റ് പ്രസംഗം ദൈര്‍ഖ്യമേറിയതാക്കി റെക്കോര്‍ഡിടുന്ന തോമസ് ഐസക് ഇക്കുറി ഹ്രസ്വമായ ബജറ്റായിരിക്കും അവതരിപ്പിക്കുകയെന്നാണ് ലഭിക്കുന്ന സൂചന.