കൊച്ചിയില്‍ പെണ്‍കുട്ടി മരിച്ച നിലയില്‍ കാണപ്പെട്ട സംഭവം; അന്വേഷണം ക്രൈംബ്രാഞ്ചിന്

തിരുവനന്തപുരം: കൊച്ചിയില്‍ സിഎ വിദ്യാര്‍ത്ഥിനിയായിരുന്ന മിഷേല്‍ ഷാജി കായലില്‍ മരിച്ച നിലയില്‍ കാണപ്പെട്ട സംഭവത്തിലെ അന്വേഷണം ക്രൈംബ്രാഞ്ചിന് കൈമാറുമെന്ന് റിപ്പോർട്ട്. ഇതു സംബന്ധിച്ച ഉത്തരവ് ഡി ജി പി ഉടൻ പുറത്തിറക്കുമെന്നും റിപ്പോർട്ടുകൾ പറയുന്നു. മരണത്തില്‍ കുടുംബം തന്നെ ആശങ്ക രേഖപ്പെടുത്തിയ സാഹചര്യത്തിലാണ് ഈ നീക്കം. മിഷേലിന്‍റെ മരണത്തില്‍ അന്വേഷണം ആവശ്യപ്പെട്ട കുടുംബത്തിന് ഐക്യദാര്‍ഢ്യം പ്രഖ്യാപിച്ച്‌ നടന്‍മാരായ നിവിന്‍ പോളിയും ടോവിനോയും ഉണ്ണി മുകുന്ദനും ജൂഡ് ആൻ്റണിയും ഫേസ്ബുക്കിലൂടെ രംഗത്തെത്തിയിരുന്നു.

മിഷേലിന്‍റെ മരണം 'ആര്‍ക്കോ' സംഭവിക്കുന്ന കാര്യമല്ലേ എന്നോര്‍ത്ത് സമാധാനിക്കുന്നവരോട് ഒന്നേ പറയാനുള്ളൂവെന്നും നമ്മളും മറ്റുള്ളവര്‍ക്ക് 'ആരോ' ആണെന്നുള്ളത് ഓര്‍ക്കണമെന്നുമായിരുന്നു ടോവിനോയുടെ ഫേസ്ബുക്കിൽ കുറിച്ചത്. ഒരു കുടുംബത്തിന്‍റെ പ്രതീക്ഷയും സ്വപ്നങ്ങളുമാണ് മിഷേലിന്‍റെ വിയോഗത്തിലൂടെ തകര്‍ന്നതെന്ന് നിവിന്‍ പോളിയും ഫേസ്ബുക്കില്‍ കുറിച്ചു. കുടുംബം അന്വേഷണം ആവശ്യപ്പെടുന്നു. നീതിക്കു വേണ്ടിയുള്ള അവരുടെ പോരാട്ടത്തെ നാം പിന്തുണക്കണം. നമ്മുടെ ചെറിയ ശബ്ദങ്ങള്‍ മാറ്റങ്ങളുടെ വലിയ ഒരു ലോകം തന്നെ സൃഷ്ടിച്ചേക്കാമെന്നും നിവിന്‍ പോളി ചൂണ്ടി കാട്ടി.

മാര്‍ച്ച്‌ ആറിന് വൈകിട്ട് കായലിലാണ് മിഷേലിന്‍റെ മൃതദേഹം കണ്ടെത്തിയത്. തലേന്ന് വൈകീട്ട് കച്ചേരിപ്പടിയിലെ ഹോസ്റ്റലില്‍ നിന്നും പള്ളിയിലേക്ക് പോയ വിദ്യാര്‍ത്ഥിനിയെ പിന്നീട് കാണാതാവുകയായിരുന്നു. കാണാതായ ദിവസം കലൂർ പള്ളിയിൽനിന്നു പെൺകുട്ടി പുറത്തേക്കു പോകുന്നതടക്കമുള്ള സിസിടിവി ദൃശ്യങ്ങൾ മാധ്യമങ്ങൾക്ക് ലഭിച്ചിരുന്നു. സംഭവത്തിനു പിന്നിലെ കാരണം കണ്ടെത്തണമെന്നും പെണ്‍കുട്ടികൾക്ക് സുരക്ഷ ഉറപ്പാക്കണമെന്നുമാവശ്യപ്പെട്ട് സാമൂഹ്യ മാധ്യമങ്ങളില്‍ ആരംഭിച്ച ക്യാമ്പയിനുകൾ വൈറലാവുകയാണ്.



Kerala student death: Nivin Pauly, Tovino Thomas, Unni Mukundan, Jude Anthony, other celebs demand justice for Mishel Shaji

Mishel Shaji Varghese, 18, hailing from Ilanji near Piravom, was found drowned near Willingdon Island in Ernakulam on March 6. The chartered accountancy student was residing at a hostel in Kacheripady, from where she had left on Sunday, March 5.