കണ്ണൂർ: ഉത്സവ പറമ്പിൽ മുസ്ലീങ്ങൾക്ക് പ്രവേശനം നിഷേധിച്ച് ക്ഷേത്രക്കമ്മിറ്റിയുടെ പോസ്റ്റര്. കണ്ണൂർ പയ്യന്നൂരിനടുത്ത കുഞ്ഞിമംഗലത്തെ മല്ലിയോട്ട് പാലോട്ട് കാവിലാണ് വിവാദമായ ബോര്ഡ് സ്ഥാപിച്ചത്.
ക്ഷേത്ര കമ്മിറ്റി അംഗങ്ങളുമായി ഫോണില് ബന്ധപ്പെടാന് ശ്രമിച്ചെങ്കിലും പ്രതികരിച്ചില്ല.
മല്ലിയോട്ട് പാലോട്ട് കാവിൽ നടന്നു വരുന്ന വിഷുവിളക്ക് കൊടിയേറ്റ മഹോത്സത്തിന്റെ ഭാഗമായാണ് ഇത്തരത്തിലൊരു ബോർഡ് ക്ഷേത്ര പരിസരത്ത് സ്ഥാപിച്ചത്. ആദ്യമായല്ല ഇത്തരത്തില് ഒരു ബോര്ഡ് ക്ഷേത്രത്തില് സ്ഥാപിക്കുന്നതെന്നാണ് ഒരു പ്രദേശവാസി സമയം മലയാളത്തോട് പറഞ്ഞത്. എല്ലാ വര്ഷവും സമാനമായ ബോർഡ് ഉണ്ടാകാറുണ്ടെന്നാണ് ഇയാള് പറഞ്ഞത്.
''മുൻ വർഷങ്ങളിലും ഇത്തരം ബോർഡുകൾ ഉണ്ടാകാറുണ്ട്. സോഷ്യൽ മീഡിയയിൽ ഇത് വന്നതോടെയാണ് ചർച്ചയാകുന്നത്'' ക്ഷേത്രത്തോട് അടുത്ത ബന്ധമുള്ള പ്രദേശവാസി പറയുന്നു.
''അഞ്ചുദിവസത്തെ ഉത്സവസമയത്ത് മാത്രമാണ് മുസ്ലീം വിശ്വാസികൾക്ക് പ്രവേശിക്കാൻ കഴിയാത്തതെന്നും പിന്നീട് നേർച്ചയും മറ്റും നിറവേറ്റാനായി മുസ്ലീം വിശ്വാസികൾ വരാറുണ്ടെന്നും അവർ പറയുന്നു.'' - പ്രദേശവാസി പറഞ്ഞു.
ക്ഷേത്രത്തിലെ ബോര്ഡിന്റെ ചിത്രങ്ങള് സോഷ്യല് മീഡിയയില് വ്യാപകമായി പ്രചരിക്കുന്നുണ്ട്.