കൊച്ചിയിൽ ട്രാൻസ്‍ജെൻഡേഴ്സ് സൗന്ദര്യമത്സരം

ചരിത്രത്തിലാദ്യമായി ട്രാൻസ്‍ജെൻഡേഴ്സ് സൗന്ദര്യമത്സരത്തിന് കേരളം വേദിയാകുന്നു. മൂന്നാംലിംഗമെന്ന് വേര്‍തിരിച്ച് നിര്‍ത്തുന്ന ഈ കൂട്ടരുടെ ഓരോ ചുവടും ചരിത്രത്തിലേക്കുള്ള മറ്റൊരു കാല്‍വെപ്പായിരിക്കും. കൊച്ചിയില്‍ വെച്ച് ജൂണ്‍ ആദ്യവാരം തുടങ്ങുന്ന ഫൈനലില്‍ കേരളത്തിന്റെ ട്രാന്‍സ്‌ജെന്‍ഡര്‍ സുന്ദരിയെ അറിയാനാകും. ദ്വയ ക്യൂൻ 2017 എന്നാണ് മത്സരത്തിന് പേര്.

ചിത്രങ്ങൾ - അജിലാൽ


കൊച്ചി, കൊല്ലം, കോഴിക്കോട് എന്നീ ജില്ലകളില്‍ വെച്ച് നടക്കുന്ന ഓഡീഷനില്‍ നിന്ന് തിരഞ്ഞെടുക്കുന്ന 15 സുന്ദരികളില്‍ നിന്നാണ് ഫൈനല്‍ താരത്തെ വിധികര്‍ത്താക്കള്‍ തിരഞ്ഞെടുക്കുന്നത്.
ട്രാന്‍സ്‌ജെന്‍ഡേഴ്‌സിന്റെ സംഘടനയായ ദ്വയ ആര്‍ട്‌സ് ആന്‍ഡ് കള്‍ച്ചറല്‍ സൊസൈറ്റിയുടെ നേതൃത്വത്തിലാണ് സൗന്ദര്യമത്സരം സംഘടിപ്പിക്കുന്നത്. മൂന്ന് തരത്തിലുള്ള മത്സരത്തിലൂടെയാണ് ഫൈനല്‍ താരത്തെ തിരഞ്ഞെടുക്കുന്നതെന്ന് ദ്വയ സംഘടനയുടെ സംഘാടകയായ രഞ്ജു രഞ്ജിമ പറഞ്ഞു. ഇന്ത്യയിലെ തന്നെ അറിയപ്പെടുന്ന മേക്കപ്പ് ആര്‍ട്ടിസ്റ്റാണ് രഞ്ജിമ. ഇന്ത്യയിലെ തന്നെ അറിയപ്പെടുന്ന കൊറിയോഗ്രാഫറായ സുനില്‍ മേനോനായിരിക്കും തെരഞ്ഞെടുക്കപ്പെടുന്ന ട്രാന്‍സ്‌ജെന്‍ഡര്‍ മോഡലുകള്‍ക്ക് ഗ്രൂമിങ് നടത്തുന്നത്.



രഞ്ജി ഹരിദാസ്, ശ്വേത മോനോന്‍, മിസ് ഇന്ത്യ വേള്‍ഡെസ് കാന്നഡ ഫസ്റ്റ് റണര്‍പ്പായ എലിസബത്ത് താടിക്കാരനുമാണ് ജഡ്ജിങ് പാനലിലുള്ളത്. തിരഞ്ഞെടുക്കുന്ന ഫൈനലിസ്റ്റിനെ '2017ലെ ക്വൂന്‍ ഓഫ് ദ്വയ' എന്ന പേരിലറിയപ്പെടും. ഏകദേശം 40 ഓളം മത്സരാര്‍ഥികള്‍ മത്സരത്തില്‍ പങ്കെടുക്കുമെന്നാണ് സംഘാടകരുടെ വിലയിരുത്തല്‍.



first-ever transgender beauty pageant
Kochi Is Now Holding Kerala's 1st Transgender Beauty Pageant