മൂല്യനിർണയ ക്യാമ്പിൽനിന്നും മുങ്ങുന്ന അധ്യാപകർ കുടുങ്ങും; കർശന നടപടിക്ക് ശുപാർശ

തിരുവനന്തപുരം: മൂല്യനിർണയത്തിൽനിന്നും മാറിനിൽക്കുന്ന സർക്കാർ, എയ്ഡഡ് അധ്യാപകർക്കെതിരെ നടപടി കടുപ്പിച്ച് കേരള സർവ്വകലാശാല. ഇവർക്കെതിരെ വകുപ്പുതല നടപടികൾ സ്വീകരിക്കാനും സർക്കാരിലേക്ക് ശുപാർശ ചെയ്യാനുമാണ് തീരുമാനം.

മൂല്യനിർണയത്തിൽ അധ്യാപകരെ പങ്കെടുപ്പിക്കാത്ത സ്വാശ്രയ മാനേജ്മെന്റുകൾക്കുമേൽ പിഴ ചുമത്താനും കേരള സർവ്വകലാശാല സിൻഡിക്കേറ്റ് തീരുമാനിച്ചു.

ഇതുവരെ ക്യാമ്പിൽ പങ്കെടുക്കാത്തവർ ഉടൻ ക്യാമ്പിൽ റിപ്പോർട്ട് ചെയ്യണമെന്നും സർവ്വകലാശാല നിർദ്ദേശിച്ചു.