തിരുവനന്തപുരം: അന്തർദേശീയ വനിതാ ദിനമായ വെള്ളിയാഴ്ച കേരളത്തിലെ പരമാവധി പോലീസ് സ്റ്റേഷനുകൾ വനിതാ പോലീസ് ഭരിക്കും. എസ്ഐ റാങ്കിലോ അതിനു മുകളിലുള്ള റാങ്കിലോ ഉള്ള സ്ത്രീകളായിരിക്കും സ്റ്റേഷൻ ഹൌസ് ഓഫീസറുടെ ചുമതല വഹിക്കുക. ഇത് സംബന്ധിച്ച് പോലീസ് മേധാവി ലോക്നാഥ് ബെഹ്റ നിർദ്ദേശം പുറപ്പെടുവിച്ചിട്ടുണ്ട്. പൊതുജനങ്ങളുമായി ഇടപഴകുന്ന എല്ലാ പ്രവർത്തികളും വനിതാ ഉദ്യോഗസ്ഥരായിരിക്കും ചെയ്യുകയെന്നും പോലീസ് വാർത്താക്കുറിപ്പിൽ വ്യക്തമാക്കി. ഒന്നിലധികം വനിതാ എസ്ഐമാരുള്ള സ്റ്റേഷനുകളിൽനിന്നും സമീപ സ്റ്റേഷനുകളിലേക്ക് വനിതാ ഉദ്യോഗസ്ഥരെ ഹൌസിങ് ഓഫീസർമാരായി നിയോഗിക്കും. വനിതാ എസ്ഐമാരില്ലാത്ത സ്റ്റേഷനുകളിൽ വനിതാ സീനിയർ സിവിൽ പോലീസ് ഓഫീസർമാരെയും സിവിൽ പോലീസ് ഓഫീസർമാരെയും ജനങ്ങളുമായി ഇടപഴകുന്ന ചുമതലകളിൽ നിയോഗിക്കും.
വനിതാ ഉദ്യോഗസ്ഥർ ചുമതല വഹിക്കുന്ന വിവരം ജില്ലാ പോലീസ് മേധാവിമാർ അവരവരുടെ അധികാര പരിധിയിലേക്ക് കൈമാറിയിട്ടുണ്ട്. വനിതാ ദിനവുമായി ബന്ധപ്പെട്ട് മറ്റ് വകുപ്പുകളും സ്ഥാപനങ്ങളും നടത്തുന്ന പരിപാടികളിൽ പങ്കെടുക്കാനും പോലീസ് ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്.
വനിതാ ഉദ്യോഗസ്ഥർ ചുമതല വഹിക്കുന്ന വിവരം ജില്ലാ പോലീസ് മേധാവിമാർ അവരവരുടെ അധികാര പരിധിയിലേക്ക് കൈമാറിയിട്ടുണ്ട്. വനിതാ ദിനവുമായി ബന്ധപ്പെട്ട് മറ്റ് വകുപ്പുകളും സ്ഥാപനങ്ങളും നടത്തുന്ന പരിപാടികളിൽ പങ്കെടുക്കാനും പോലീസ് ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്.