കായികകേരളത്തിന്‍റെ പൊൻതാരത്തിന് തലചായ്ക്കാനൊരു വീടില്ല

മുവാറ്റുപുഴ: ദേശീയ ഓപ്പണ്‍ അത്ലറ്റിക്സുകളിൽ ഹൈജമ്പുകളിൽ തുടര്‍ച്ചയായി രണ്ടുവര്‍ഷം കേരളത്തിനു വേണ്ടി സ്വര്‍ണ്ണം നേടിയ താരമാണ് ജിനു മരിയ മാനുവൽ. ബോബി അലോഷ്യസിനു ശേഷം ഹൈജമ്പിൽ 1.80 മീറ്ററിനു മുകളിൽ ചാടുന്ന കേരളത്തിലെ ഏക വനിതാതാരവും കേരളത്തിൻ്റെ പൊൻതാരമെന്നറിയപ്പെടുന്ന ജിനു മരിയ മാനുവൽ ആയിരിക്കും

എന്നാൽ കേരളത്തിനു വേണ്ടി തുടര്‍ച്ചയായി മെഡലുകള്‍ വീഴ്ത്തിയ താരം തല ചായ്ക്കാൻ ഒരു വീടിനായി സര്‍ക്കാരിന്‍റെ കനിവ് തേടുകയാണ്. ടാപ്പിങ് തൊഴിലാളിയായ പിതാവ് മാണിയും തയ്യൽ ജോലി ചെയ്യുന്ന അമ്മ ഡോളിയും ചേര്‍ന്ന് വീടിൻ്റെ വാടകയും ജിനുവിന്‍റെ പരിശീലനത്തിനും മറ്റു രണ്ടു മക്കളുടെ പഠനത്തിനുമായുള്ള പണം കണ്ടെത്താനാകാതെ വിഷമിക്കുകയാണ്.

മുവാറ്റുപുഴ പുളിന്താനം സ്വദേശിയായ ജിനു തിരുവനന്തപുരം ജിവി രാജ സ്പോര്‍ട്സ് സ്കൂളിലും തുടര്‍ന്ന് തൃശ്ശൂര്‍ സായി സ്പോര്‍ട്സ് സ്കൂളിലുമാണ് പഠിച്ചത്. കേരള പോലീസ്, ഇന്ത്യൻ റെയിൽവേ അടക്കമുള്ള ടീമുകളിൽ പലതവണ പ്രവേശനത്തിന് അപേക്ഷിച്ചില്ലെങ്കിലും ലഭിച്ചില്ലെന്ന് ഈ എംഎ ഇംഗ്ലീഷ് ബിരുദധാരി പറയുന്നു. ജന്മനാടിനായി നിരവധി നേട്ടങ്ങള്‍ കൊയ്ത ഈ താരം ഇന്ന് ഒരു ജോലിയ്ക്കും വീടിനുമായി സര്‍ക്കാരിന്‍റെ കനിവു തേടുകയാണ്.

Kerala's Golden player is looking for a shelter and daily bread

Jinu Maria Manuel, the young sports women from Kerala is seeking for a job and aid for a proper shelter from government.