ഇടുക്കി അണക്കെട്ട്: ഒാറഞ്ച് അല‍ർട്ട് പ്രഖ്യാപിച്ചു

ഇടുക്കി: ഇടുക്കി അണക്കെട്ടിലെ ജലനിരപ്പ് ഉയ‍ർന്നതിനാൽ ഒാറഞ്ച് അല‍ർട്ട് പ്രഖ്യാപിച്ചു. ഇടുക്കി അണക്കെട്ടിലെ ജലനിരപ്പ് 2,3945 അടിയായതിനെത്തുട‍ർന്നാണ്. ജില്ലയില്‍ സംസ്ഥാന ദുരന്ത നിവാരണ അതോറിറ്റി ഓറഞ്ച് അലര്‍ട്ട് അഥവ അതിജാഗ്രതാ നിര്‍ദ്ദേശം പ്രഖ്യാപിച്ചു. അണക്കെട്ടുകളുടെ ഷട്ടറുകള്‍ ഉയര്‍ത്തി നാളെ ട്രയല്‍ നടത്തും.

പരീക്ഷണത്തിൻ്റെ ഭാഗമായി 40 സെൻ്റിമീറ്ററാണ് ഉയര്‍ത്തുക. അണക്കെട്ടിൻ്റെ ഷട്ടറുകള്‍ തുറന്നാല്‍ പുഴയുടെ തീരത്ത് വെള്ളം കയറാന്‍ സാധ്യതയുള്ള സ്ഥലങ്ങളില്‍ താമസിക്കുന്നവര്‍ സ്വീകരിക്കേണ്ട മുന്‍കരുതലുകള്‍ സംബന്ധിച്ച്‌ ദുരന്തനിവാരണ അതോറിട്ടി മാര്‍ഗനിര്‍ദ്ദേശം നൽകിയിട്ടുണ്ട്. ജലനിരപ്പ് 2,397-98 അടിയാകുമ്പോള്‍ ചെറുതോണി ഡാമിന്റെ ഷട്ടറുകള്‍ തുറക്കാനാണ് തീരുമാനം. ചെറുതോണി ഡാമിന് അഞ്ച് ഷട്ടറുകളാണ് ഉള്ളത്. ഇതില്‍ രണ്ടെണ്ണം തുറക്കാനുള്ള പദ്ധതികളാണ് തയ്യാറാക്കിയിരിക്കുന്നത്.