അവര്‍ ഏറ്റുപറഞ്ഞു: 'റ്റാറ്റാ ബൈ ബൈ 377'

കൊച്ചി: ഇത് ഞങ്ങളുടെ ആഘോഷദിനം. സ്വാഭിമാനാഘോഷം. റ്റാറ്റാ ബൈ ബൈ 377 എന്ന് ഏറ്റുപറഞ്ഞുകൊണ്ട് അവർ ചുവടുകള്‍ വച്ചു. സ്വവര്‍ഗ്ഗ ലൈംഗികത ക്രിമിനൽ കുറ്റമാക്കുന്ന 377-ാം വകുപ്പ് സുപ്രീംകോടതി ഭാഗികമായി റദ്ദാക്കിയത് അവർ ആഘോഷിക്കുകയായിരുന്നു.

ചിത്രങ്ങള്‍: ആര്‍.കെ ശ്രീജിത്ത് (TOI)
സ്വവര്‍ഗ്ഗ ലൈംഗികത ഇനി ക്രിമിനൽ കുറ്റമല്ലെന്ന് സുപ്രിം കോടതി ചീഫ് ജസ്റ്റിസ് ദീപക് മിശ്ര അധ്യക്ഷനായ ബ‌ഞ്ച് വിധിച്ചതോടെ ഒരാള്‍ എങ്ങനെയാണോ അങ്ങനെതന്നെ ജീവിക്കാനുള്ള അവകാശമാണ് തന്നതെന്ന് ഓരോരുത്തരും വ്യക്തമാക്കി. കൊച്ചി മറൈൻഡ്രൈവില്‍ നടന്ന ആഘോഷങ്ങളില്‍ സ്വവര്‍ഗ്ഗാനുരാഗികളായ നിരവധിപേരാണ് എത്തിച്ചേര്‍ന്നത്.