മു​ന്‍​കൂ​ര്‍​ജാ​മ്യം തേ​ടി നീ​നു​വി​ന്‍റെ അ​മ്മ ഹൈ​ക്കോ​ട​തി​യി​ല്‍

കൊച്ചി: കോട്ടയം നട്ടാശേരി സ്വദേശി കെവിനെ കൊലപ്പെടുത്തിയ കേസിലെ മുഖ്യപ്രതി ഷാനു ചാക്കോയുടെ അമ്മ രഹ്ന ചാക്കോ ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കി. സംഭവത്തിനുശേഷം ഒളിവില്‍പോയ രഹ്നയെ കണ്ടെത്താന്‍ ഇനിയും പോലീസിനു കഴിഞ്ഞിട്ടില്ല.

കെവിന്‍റെ കൊലപാതകത്തില്‍ പങ്കില്ലെന്നും ഗാന്ധിനഗര്‍ പോലീസ് രജിസ്റ്റര്‍ ചെയ്ത കേസില്‍ താന്‍ പ്രതിയല്ലെന്നും ചൂണ്ടിക്കാട്ടിയാണു രഹ്ന മുന്‍കൂര്‍ ജാമ്യാപേക്ഷ നല്‍കിയത്. തന്നെ പിടികൂടിയാല്‍ പ്രതിയാക്കുമെന്നു മാധ്യമങ്ങളില്‍ വാര്‍ത്ത വരുന്നുണ്ട്. ഈ സാഹചര്യത്തിലാണ് അറസ്റ്റ് ഭയന്നു ജാമ്യഹര്‍ജി നല്‍കുന്നത്. അറസ്റ്റ് ചെയ്യുന്ന പക്ഷം ജാമ്യത്തില്‍ വിടാന്‍ നിര്‍ദേശിക്കണമെന്നും മുന്‍കൂര്‍ ജാമ്യ ഹര്‍ജിയില്‍ പറയുന്നു.