നീ​നു​വി​ന‌് മാ​ന​സി​ക​പ്ര​ശ‌്ന​ങ്ങ​ളി​ല്ലെന്ന് അന്വേഷണസംഘം

ഏറ്റുമാനൂര്‍: കൊല്ലപ്പെട്ട കെവിൻ്റെ ഭാര്യ നീനുവിന‌് മാനസികപ്രശ‌്നങ്ങളൊന്നുമില്ലെന്ന‌് വ്യക്തമാക്കുന്ന ആശുപത്രി രേഖകള്‍ അന്വേഷണ സംഘം കോടതിയിൽ സമ‍ർപ്പിച്ചു. നീനുവിന് മനോരോഗം ഉണ്ടെന്ന പ്രതിഭാഗത്തിൻ്റെ വെളിപ്പെടുത്തലുകളെ തുടര്‍ന്ന് കോടതി ആവശ്യപ്പെട്ട പ്രകാരമാണ് റിപ്പോര്‍ട്ട് ഹാജരാക്കിയത്.

നീനുവിനെ സാധാരണ സാധാരണ കൗൺസലിങ‌് മാത്രമാണ‌് നൽകിയതെന്നും മാനസികമായി നീനുവിന് തകരാറൊന്നുമില്ലെന്നും തിരുവനന്തപുരം അനന്തപുരി ആശുപത്രിയിലെ ഡോ വൃന്ദ ഏറ്റുമാനൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയെ അറിയിച്ചു. ഒരു പ്രണയം ഉണ്ടെന്നും അതില്‍നിന്ന് പിന്‍മാറില്ലെന്നും നീനു പറഞ്ഞതായി ഡോക്ടര്‍ വ്യക്തമാക്കി. സുരക്ഷിതമായാണോ നീനു താമസിക്കുന്നത‌് എന്ന‌് പരിശോധിക്കാന്‍ പൊലീസിനെ ചുമതലപ്പെടുത്തി.