കെവിൻെറ കൊലപാതകം: മുഖ്യപ്രതി നീനുവിൻെറ സഹോദരൻ

കോട്ടയം: കെവിനെ തട്ടിക്കൊണ്ടു പോയി കൊലപ്പെടുത്തിയ കേസിൽ പോലീസ് കുറ്റപത്രം സമർപ്പിച്ചു. കെവിൻെറ ഭാര്യ നീനുവിൻെറ സഹോദരൻ ഷാനു ചാക്കോയാണ് കേസിലെ മുഖ്യ സൂത്രധാരൻ. ഷാനുവും പിതാവ് ചാക്കോയും ഉൾപ്പെടെ 12 പേർക്കെതിരെ കൊലക്കുറ്റം ചുമത്തിയിട്ടുണ്ട്.

കൊലപാതകം നടന്ന് കഴിഞ്ഞ് 85 ദിവസത്തിന് ശേഷമാണ് കുറ്റപത്രം സമർപ്പിച്ചത്. ആകെ 14 പ്രതികളാണ് കേസിലുള്ളത്. ഏറ്റുമാനൂര്‍ മജിസ്‌ട്രേറ്റ് കോടതിയിലാണ് പോലീസ് കുറ്റപത്രം സമര്‍പ്പിച്ചത്.

നീനുവിനെ പ്രണയിച്ച് വിവാഹം കഴിച്ചതിനാണ് കെവിനെ ഭാര്യവീട്ടുകാർ തട്ടിക്കൊണ്ട് പോയി കൊലപ്പെടുത്തിയത്. കെവിനെ ഓടിച്ച് പുഴയിൽ ചാടിച്ച് കൊലപ്പെടുത്തുകയായിരുന്നു എന്നും കുറ്റപത്രത്തിൽ പറയുന്നു.