കുട്ടിക്കാലം മുതൽ ക്രൂരമായ പീഡനമേറ്റിട്ടുണ്ടെന്ന് നീനു

കൊച്ചി : തനിക്ക് മാനസികപ്രശ്നമുണ്ടെന്നു വരുത്തി കെവിന്‍റെ വീട്ടില്‍ നിന്നു പുറത്തുകൊണ്ടുവരാനാണ് തന്റെ അച്ഛന്റെ ശ്രമമെന്ന് നീനു. ഹൈക്കോടതിയില്‍ നല്‍കിയ ഹര്‍ജിയിലെ പരാമര്‍ശങ്ങള്‍ കെട്ടിച്ചമച്ചതാണ്. കെവിന്റെ വീട്ടിലെ താമസം ഇല്ലാതാക്കാനാണ് ഈ ആരോപണം. കെവിന്റെ മാതാപിതാക്കൾ പറയുംവരെ ഇവിടെ തുടരും. കെവിന്റെ ജീവനെടുത്തവരുടെ സംരക്ഷണം സ്വീകരിക്കില്ലെന്നും നീനു പറയുന്നു. കെവിന്‍റെ മരണത്തെ തുടർന്ന് കെവിന്‍റെ വീട്ടിലാണ് നീനു ഇപ്പോള്‍ കഴിയുന്നത്.

സ്വന്തം വീട്ടില്‍ കുട്ടിക്കാലം മുതല്‍ ക്രൂരമായ മര്‍ദനവും മാനസികപീഡനവുമാണ് നേരിടേണ്ടിവന്നത്. കുറ്റിച്ചൂലുകൊണ്ടും വടികൊണ്ടുമൊക്കെ നിരവധി മർദ്ദനമേറ്റിട്ടുണ്ട്. മുടിക്ക് കുത്തിപിടിച്ചൊക്കെ അച്ഛൻ തല്ലാറുണ്ട്. കെവിനെ ഇല്ലാതാക്കാനുള്ള ഗൂഢാലോചനയില്‍ തന്റെ അമ്മയ്ക്കു പങ്കുണ്ട്. കെവിന്‍റെ വീട്ടില്‍ തുടര്‍ന്നു തന്നെ പഠനം പൂര്‍ത്തിയാക്കുമെന്നും സ്വന്തം വീട്ടിലേക്ക് തിരിച്ചുപോവില്ല. പണ്ടുതന്നെ കൗൺസിലിങ്ങിനു കൊണ്ടുപോയിട്ടുണ്ട്. തനിക്കല്ല തന്‍റെ മാതാപിതാക്കൾക്ക് ചികിൽസ വേണമെന്നാണ് അന്നു കൗൺസലിങ് ചെയ്ത ഡോക്ടർ പറഞ്ഞതെന്നും നീനു പറഞ്ഞു.

കടപ്പാട്: മനോരമ ന്യൂസ്