കെഎം മാണി യുഡിഎഫ് യോഗത്തിൽ നിന്ന് വിട്ട് നിന്നു

തിരുവനന്തപുരം: യുഡിഎഫ് കക്ഷിനേതാക്കളുടെ യോഗത്തിൽനിന്നും കേരള കോൺഗ്രസ് (എം) വിട്ടുനിന്നു. വ്യക്തിപരമായ കാരണങ്ങളാൽ യോഗത്തിനു വരില്ലെന്നാണു പാർട്ടി ചെയർമാൻ കെ.എം.മാണി നേതൃത്വത്തെ അറിയിച്ചിരിക്കുന്നത്. എന്നാൽ ബാര്‍ കോഴക്കേസിലെ കോണ്‍ഗ്രസ് നിലപാടിനെതിരായ പ്രതിഷേധ സൂചകമായാണ് മാണി വിട്ടുനില്‍ക്കുന്നതെന്നാണ് സൂചന.

മുന്നണിയിലെ കക്ഷികൾ തമ്മിലുള്ള അഭിപ്രായ വ്യത്യാസങ്ങൾ പറഞ്ഞുതീർക്കാനുള്ള ശ്രമത്തിന്റെ ഭാഗമായാണു ഇന്നു യോഗം വിളിച്ചത്. തർക്കങ്ങൾ മാറ്റിവച്ചു പ്രതിപക്ഷം എന്ന നിലയിൽ യോജിച്ചുനീങ്ങുക എന്നതായിരുന്നു യോഗത്തിന്റെ ലക്ഷ്യം.