കെ എം മാണിയുടെ മാണിയുടെ പിന്തുണ യുഡിഎഫ്‍ നേടി

ചെങ്ങന്നൂര്‍: ചെങ്ങന്നൂര്‍ ഉപതെരഞ്ഞെടുപ്പില്‍ കെ എം മാണിയുടെ കേരള കോണ്‍ഗ്രസ് യുഡിഎഫിനെ പിന്തുണയ്ക്കും. കേരള കോണ്‍ഗ്രസ് ഉപസമിതി യോഗത്തിലാണ് തീരുമാനമെടുത്തത്. ചെങ്ങന്നൂരില്‍ മത്സരം യുഡിഎഫ്-എല്‍ഡിഎഫ്‍ തമ്മിലാകുമെന്നും നയം വ്യക്തമാക്കി കെ.എം മാണി മാധ്യമങ്ങളോട് പറഞ്ഞു.

"രാജ്യത്ത് ഉയര്‍ന്നുവരുന്ന വര്‍ഗീയത നേരിടുന്നതിന് പ്രാദേശിക കക്ഷികള്‍ ഉള്‍പ്പെടുന്ന സംഖ്യത്തിനെ കഴിയൂയെന്ന് കര്‍ണാടക തെരഞ്ഞെടുപ്പ് തെളിയിച്ചതാണ്. അതിനാലാണ് യുഡിഎഫിനെ പിന്തുണയ്ക്കുന്നത്" മാണി പറഞ്ഞു.

കേന്ദ്ര സംസ്ഥാന സർക്കാരുകളുടെ ധാർഷ്ട്യത്തിന് മറുപടി ജനം നൽകും. കുതിച്ചു കയറുന്ന ഇന്ധനവില സാധാരണക്കാരന്‍റെ ജീവിതം തകർത്തുവെന്നും മാണി മാധ്യമങ്ങളോട് പറഞ്ഞു.

കെ.എം മാണിയുടെ പിന്തുണയുറപ്പക്കാന്‍ ഇരു മുന്നണികളും ആവര്‍ത്തിച്ച് ശ്രമിച്ചിരുന്നു. ബാര്‍ കോഴ ആരോപണങ്ങളുടെ പേരില്‍ മാണിക്ക് എതിരെ പ്രക്ഷോഭം നടത്തിയ എല്‍ഡിഎഫിന് മാണിയെ കൂട്ടുപിടിക്കേണ്ടി വരുന്നത് ധാര്‍മ്മികതയുടെ പ്രശനമാണെന്ന് ആരോപണങ്ങളും ഉണ്ടായി. എന്നാല്‍ ദേശീയതലത്തില്‍ വര്‍ഗീയ കക്ഷികളുടെ മുന്നേറ്റം തടയാന്‍ പ്രാദേശിക സഹകരണം വേണമെന്നതാണ് സിപിഎം നയമെന്ന് ആനത്തലവട്ടം ആനന്ദന്‍ കഴിഞ്ഞ ദിവസം പറഞ്ഞിരുന്നു.

യുഡിഎഫ് - എല്‍ഡിഎഫ് അനുനയ സ്വരങ്ങളെ ശ്രദ്ധിച്ചു വീക്ഷിച്ച മാണി, എന്ത് നിലപാട് എടുക്കും എന്ന് അറിയുന്നതനായി രാഷ്ട്രീയകേരളം കാത്തിരിക്കുകയായിരുന്നു.