പുതിയ അലൈന്‍മെന്റ് ഇങ്ങനെ
മാഹി, വടകര എന്നിവിടങ്ങളിലെ അലൈന്‍മെന്റുകളില്‍ ചെറിയ മാറ്റങ്ങള്‍ വരുത്തിയാണ് അന്തിമ അലൈന്‍മെന്റ് തയ്യാറാക്കിയിട്ടുള്ളത്. പുതുച്ചേരി സര്‍ക്കാരിന്റെ എതിര്‍പ്പിനെ തുടര്‍ന്നു മാഹിയെ പൂര്‍ണമായി ഒഴിവാക്കി. മാഹിയെ പാത രണ്ടായി വിഭജിക്കുമെന്നായിരുന്നു സര്‍ക്കാരിന്റെ പരാതിയെങ്കില്‍ മാഹിയിലെ ബൈപാസ് പൂര്‍ണമായി ഒഴിവാക്കി നിലവിലുള്ള റെയില്‍പാതയ്ക്ക് സമാന്തരമായി തന്നെ വേഗപാത നിര്‍മ്മിക്കാനും തീരുമാനിച്ചു. വടകര പയ്യോളിയിലെ ബൈപാസും ഇപ്രകാരം ഒഴിവാക്കാനാണ് പുതിയ അലൈന്‍മെന്റ്.
തിരുവനന്തപുരത്ത് നിന്ന് തൃശൂരെത്താന്‍ 1.54 മണിക്കൂര്‍
തലസ്ഥാനനഗരിയില്‍ നിന്ന് 259 കിലോമീറ്റര്‍ അകലെ തൃശൂരില്‍ ട്രെയിനിലെത്താന്‍ 1.54 മണിക്കൂര്‍ സമയം മതിയെന്നാണ് കണക്ക്. പരമാവധി 200 കിലോമീറ്റര്‍ വേഗം വരെ ആര്‍ജിക്കാന്‍ ശേഷിയുള്ള ട്രെയിന്‍ തൃശൂരില്‍ നിന്ന് 273 കിലോമീറ്റര്‍ സഞ്ചരിച്ച് കാസര്‍കോട്ടെത്താന്‍ വേണ്ടത് 1.57 മണിക്കൂര്‍ മാത്രമാകും. എറണാകുളത്ത് നിന്ന് തൃശൂരിലേക്ക് 64 കിമീ ദൂരം 28 മിനിറ്റില്‍ പാഞ്ഞെത്തും. തിരുവനന്തപുരത്ത് നിന്ന് കാസര്‍കോട്ടെത്താന്‍ വേണ്ടത് 3.53 മണിക്കൂര്‍ മാത്രമാകും.
തിരുവനന്തപുരത്ത് നിന്ന് കാസര്‍കോട്ടെത്താന്‍ 3.52 മണിക്കൂര്‍
കേരളത്തില്‍ നിലവില്‍ ഓടുന്ന ഏറ്റവും വേഗമേറിയ ട്രെയിന്‍ തിരുവനന്തപുരത്തുനിന്ന് കാസര്‍കോട്ടെത്താന്‍ 9 മണിക്കൂറെങ്കിലും സമയം എടുക്കുമെന്നാണ് റെയില്‍വേയുടെ കണക്ക്. ഇതേ ദൂരം സില്‍വര്‍ലൈന്‍ 3.52 മണിക്കൂറില്‍ പാഞ്ഞെത്തും. തിരുവനന്തപുരത്തേക്കു തൃശൂരില്‍ നിന്ന് 1.54 മണിക്കൂര്‍, കാസര്‍കോട്ടേയ്ക്ക് 1.57 മണിക്കൂര്‍ എന്നിങ്ങനെയാണ് ട്രെയിനിന്റെ സഞ്ചാരസമയം. എറണാകുളത്തിനും തിരൂരിനുമിടയില്‍ തൃശൂരാണ് ഏക സ്‌റ്റേഷന്‍.
റെയില്‍ പാത കടന്നുപോകുന്നതെങ്ങനെ?
എറണാകുളത്തു നിന്നു നെടുമ്പാശേരി വഴി അങ്കമാലിക്കടുത്തു വരെ റെയില്‍വെ പാതയോട് ചേര്‍ന്നാണ് സില്‍വര്‍ലൈന്റെ രൂപരേഖ കടന്നുപോകുന്നത്. അവിടെ നിന്നു തൃശൂര്‍ ജില്ല അതിര്‍ത്തിയിലേക്കു പ്രവേശിക്കുമ്പോള്‍ രണ്ടു വഴിയ്ക്കു പിരിയുന്നു. റെയില്‍വെ ലൈന്‍ ചാലക്കുടിയിലൂടെ കടന്നുപോകുമ്പോള്‍ അന്നമടയ്ക്കു സമീപം കുമ്പിടി വഴിയാണ് സില്‍വര്‍ലൈനിന്റെ പാത പോകു്‌നനത്. കൊമ്പൊടിഞ്ഞാമാക്കല്‍ വഴി കല്ലേറ്റുംകരയിലെത്തുമ്പോള്‍ വീണ്ടും റെയില്‍വെ പാതയോടടുക്കും.