നെടുമ്പാശേരി എയർപോർട്ടിൽ 26 മുതല്‍ സര്‍വീസ് ആരംഭിക്കും

നെടുമ്പാശേരിയില്‍ നിന്ന് ഓഗസ്റ്റ് 26 മുതല്‍ വീണ്ടും വിമാനം സ‍ർവീസ് ആരംഭിക്കും. ഞായറാഴ്ച മുതല്‍ സര്‍വീസുകള്‍ പുനരാരംഭിക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് സിയാല്‍ പറഞ്ഞു. ടെര്‍മിനലിനുള്ളില്‍ ശുചീകരണപ്രവര്‍ത്തനങ്ങള്‍ പുരോഗമിക്കുകയാണ്.

വിമാനത്താവളത്തിൻ്റെ റണ്‍വെ, ടാക്‌സ് വെ, പാര്‍ക്കിംഗ് ബെ എന്നിവിടങ്ങളില്‍ നിന്ന് വെള്ളം പൂര്‍ണമായും നീങ്ങിയെന്ന് വിമാനത്താവള അധികൃതര്‍ വ്യക്തമാക്കി. സുരക്ഷ ഉറപ്പാക്കുന്നതിൻ്റെ ഭാഗമായി റണ്‍വെയിലെ മുഴുവന്‍ ലൈറ്റുകളും അഴിച്ച് പരിശോധിക്കും.

വിമാനത്താവളത്തിൻ്റെ 2,600 മീറ്റര്‍ മതിലാണ് പ്രളയത്തില്‍ തകര്‍ന്നത്. കൊച്ചി നാവികസേനാ വിമാനത്താവളത്തില്‍ നിന്നാണ് ഇപ്പോള്‍ ആഭ്യന്തരസര്‍വീസ് നടത്തുന്നത്.