നെടുമ്പാശേരി വിമാനത്താവളം ഇന്ന് തുറക്കും

കൊച്ചി: വെള്ളപ്പൊക്കത്തെ തുടര്‍ന്ന് അടച്ചിട്ടിരുന്ന നെടുമ്പാശേരി വിമാനത്താവളം ഇന്ന് തുറക്കും. വിമാനത്താവളത്തിലെ എല്ലാ അറ്റകുറ്റ പണികളും പൂര്‍ത്തിയായതായി സിയാല്‍ അധികൃതര്‍ അറിയിച്ചു. ആഭ്യന്തര അന്താരാഷ്ട്ര സര്‍വ്വീസുകള്‍ ഇന്ന് ഉച്ചയ്ക്ക് രണ്ട് മണിയോടെ പുനരാരംഭിക്കും. കസ്റ്റംസ്, ഇമിഗ്രേഷന്‍ വിഭാഗങ്ങള്‍ തിങ്കളാഴ്ച മുതൽ തന്നെ പ്രവര്‍ത്തനം തുടങ്ങിയിരുന്നു.

പ്രളയത്തിൽ തകര്‍ന്ന ചുറ്റുമതില്‍ രണ്ടരകിലോമീറ്റര്‍ നീളത്തില്‍ പുനര്‍നിര്‍മ്മിച്ചിട്ടുണ്ട്. കേടുപാടുകള്‍ സംഭവിച്ച നാല് കണ്‍വൈയര്‍ ബൈല്‍റ്റുകള്‍, 22 എക്സറേ യന്ത്രങ്ങള്‍, വൈദ്യുതിവിതരണ സംവിധാനം, ജനറേറ്ററുകള്‍ എന്നിവയെല്ലാം പുനസ്ഥാപിച്ചു. പ്രളയത്തെ തുടര്‍ന്ന് സുരക്ഷാ പ്രശ്നങ്ങള്‍ കണക്കിലെടുത്ത് ആഗസ്ത് 15 നായിരുന്നു വിമാനത്താവളം അടച്ചിട്ടത്.