കൊച്ചിയിൽ ഒരു മാസം നീണ്ടു നിൽക്കുന്ന നൈറ്റ് ഷോപ്പിങ് ഫെസ്റ്റിവൽ

കൊച്ചി: ഒരു മാസം നീണ്ടു നിൽക്കുന്ന നൈറ്റ് ഷോപ്പിങ് ഫെസ്റ്റിവൽ കൊച്ചിയിൽ ഒരുക്കുമെന്ന് ജില്ലാ കളക്ടർ എസ്. സുഹാസ്. ജില്ലാ ഭരണകൂടവും ടൂറിസം വകുപ്പും കെഎംആർഎല്ലും ചേർന്നായിരിക്കും പരിപാടി സംഘടിപ്പിക്കുക. വിപുലമായ പരിപാടികളാണ് ആസൂത്രണം ചെയ്യുന്നത്.

കൊച്ചി നഗരം ഇത് വരെ കണ്ടിട്ടില്ലാത്ത താരം ഷോപ്പിങ് ഫെസ്റ്റിവിലായിരിക്കും സംഘടിപ്പിക്കുക എന്ന് കളക്ടർ ഫേസ്ബുക് പോസ്റ്റിൽ കുറിച്ചു. ജനങ്ങൾക്ക് ഷോപ്പിങ് ഫെസ്റ്റിവലിനെ കുറിച്ചുള്ള അഭിപ്രായങ്ങൾ കമന്റായി നൽകണമെന്നും കളക്ടർ അറിയിച്ചു.

Also Read: കൊറോണ; ചൈനയില്‍ നിന്ന് പേരാവൂരിലെത്തിയ ഒരു കുടുംബത്തിലെ അഞ്ചുപേര്‍ നിരീക്ഷണത്തിൽ

സ്ട്രീറ്റ് ഫുഡ് മേള, ഗാനമേള, വിവിധ കലാപരിപാടികൾ തുടങ്ങിയവ ഷോപ്പിങ് ഫെസ്റ്റിവലിന്റെ ഭാഗമായി ഒരുക്കും. ഗ്രീൻ പ്രോട്ടോക്കോൾ പിന്തുടർന്നായിരിക്കും പൂർണമായും പരിപാടി സംഘടിപ്പിക്കുക എന്നും ജില്ലാ കളക്ടർ എസ്. സുഹാസ് അറിയിച്ചു.ഷോപ്പിംഗ് ഫെസ്റ്റിവലിന്റെ ലോഗോയും പേരും തീരുമാനിക്കുന്നതിന് വൈകാതെ മത്സരം സംഘടിപ്പിക്കുമെന്നും കളക്ടർ ഫേസ്‌ബുക്ക് പോസ്റ്റിലൂടെ അറിയിച്ചു.

Also Read: നെടുമ്പാശേരിയിൽ സ്വർണവേട്ട; അടിവസ്ത്രത്തിൽ ഒളിപ്പിച്ചു കടത്താൻ ശ്രമം: സ്ത്രീകൾ അറസ്റ്റിൽ

സ്‌കൂൾ മധ്യവേനൽ അവധിക്കാലത്ത് ഒരുക്കുന്ന ഷോപ്പിങ് ഫെസ്റ്റിവലിന്റെ ഭാഗമായി വൈകുന്നേരം ആറ് മണിക്ക് ശേഷം സൈക്ലിങും വാക്കിങ്ങും നടക്കും.മൊബൈൽ ഫുഡ് കോർട്ടുകൾ കുടുംബശ്രീയുമായി സഹകരിച്ച് ഒരുക്കും. എംജി റോഡ് ഉൾപ്പടെയുള്ള സ്ഥലങ്ങളായിരിക്കും ഷോപ്പിങ് ഫെസ്റിവലിനായി ഒരുക്കുക. ഫെസ്റ്റിവലിന് മുന്നോടിയായി നഗരത്തിൽ പല രീതിയിലുള്ള ഒരുക്കങ്ങൾ നടന്നു വരികയാണ്.