കൊച്ചി: ഓൺലൈൻ ഹോട്ടൽ ബുക്കിംഗ് രംഗത്തെ ഭീമനായ ഓയോ ആപ്പിന് സമാന്തരമായി മറ്റൊരു ഓൺലൈൻ ബുക്കിംഗ് പോർട്ടൽ ആരംഭിക്കുമെന്ന് കേരളാ ഹോട്ടൽ ആൻറ് റസ്റ്റോറന്റ് അസോസിയേഷൻ സെക്രട്ടറി ടി.ജെ മനോഹരൻ പറഞ്ഞു. ഓയോക്കെതിരെ ഇടപ്പള്ളിയിലെ ഓഫീസിന് മുന്നിൽ ചെറുകിട ഹോട്ടലുടമകൾ നടത്തിയ പ്രതിഷേധ ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം. ആദ്യം വലിയ ഓഫറുകൾ തന്ന് കരാറൊപ്പിട്ട ഓയോ പിന്നീട് ഹോട്ടലുകളുടെ വയറ്റത്തടിക്കുകയാണെന്ന് അദ്ദേഹം ആരോപിച്ചു. ചെറുകിട ഹോട്ടലുടമകളുടെ ഉപജീവനത്തെ ആണ് ഓയോ തകർക്കുന്നത്. ഇതിനെ ക്രിയാത്മമകമായി നേരിടാനാണ് സമാന്തര പോർട്ടൽ കൊണ്ട് ഉദ്ദേശിക്കുന്നത്. നിലവിൽ ഓയോ ഹോട്ടലുകളിൽ നിന്ന് ഈടാക്കുന്ന കമ്മീഷൻ ഒഴിവാക്കിയാൽ തന്നെ ഉപഭോക്താക്കൾക്ക് താങ്ങാവുന്ന നിരക്കിന് റൂമുകൾ വിൽക്കാനാവുമെന്നും അദ്ദേഹം പറഞ്ഞു. നേരത്തെ പത്തടിപ്പാലം മെട്രോ സ്റ്റേഷന് മുന്നിൽ നിന്ന് തുടങ്ങിയ പ്രതിഷേധ പ്രകടനത്തിൽ നൂറോളം ഹോട്ടലുടമകൾ പങ്കെടുത്തു.
ഓണ്ലൈന് ഹോട്ടല് ഭീമന് തങ്ങളെ വഞ്ചിച്ചതില് പ്രതിഷേധിച്ച് ഹോട്ടലുടമകള് നടത്തിയ പ്രതിഷേധത്തില് ഓയോ ടാബുകള് ചവിട്ടി തകര്ക്കുന്നു
നിരവധി ഹോട്ടലുടമകൾ ഓയോയുമായുള്ള കരാറിൽ നിന്ന് പിൻവാങ്ങാനുള്ള കത്തുമായാണ് വന്നത്. എന്നാൽ കത്ത് സ്വീകരിക്കാൻ ഓയോ അധികൃതർ തയ്യാറായില്ല. ശേഷം പ്രതിഷേധക്കാർ ഓയോ ടാബുകൾ പ്രതീകാത്മകമായി തകർത്തു. ഓയോ അധികൃതര് സമരക്കാരുമായി ചര്ച്ച ചെയ്യാന് തയ്യാറാവാത്ത സാഹചര്യത്തില് വെള്ളിയാഴ്ച മുതല് തങ്ങളുടെ മിനിമം നിരക്കിന് മാത്രമേ റൂമുകള് അനുവദിക്കൂ എന്നും അസോസിയേഷൻ ഭാരവാഹികള് പറഞ്ഞു. കെഎച്ച്.ആർ.എ പ്രസിഡന്റ് അസീസ് മൂസ യോഗത്തിൽ അധ്യക്ഷനായി. സമര സമിതി ചെയർമാൻ മുഹമ്മദ് റമീസ്, യൂത്ത് കോൺഗ്രസ് നേതാവ് ഷിയാസ് എന്നിവർ സംസാരിച്ചു. അസോസിയേഷൻ ഏരിയാ പ്രസിഡന്റ് അലിയാർ നന്ദി പറഞ്ഞു.
നിരവധി ഹോട്ടലുടമകൾ ഓയോയുമായുള്ള കരാറിൽ നിന്ന് പിൻവാങ്ങാനുള്ള കത്തുമായാണ് വന്നത്. എന്നാൽ കത്ത് സ്വീകരിക്കാൻ ഓയോ അധികൃതർ തയ്യാറായില്ല. ശേഷം പ്രതിഷേധക്കാർ ഓയോ ടാബുകൾ പ്രതീകാത്മകമായി തകർത്തു. ഓയോ അധികൃതര് സമരക്കാരുമായി ചര്ച്ച ചെയ്യാന് തയ്യാറാവാത്ത സാഹചര്യത്തില് വെള്ളിയാഴ്ച മുതല് തങ്ങളുടെ മിനിമം നിരക്കിന് മാത്രമേ റൂമുകള് അനുവദിക്കൂ എന്നും അസോസിയേഷൻ ഭാരവാഹികള് പറഞ്ഞു. കെഎച്ച്.ആർ.എ പ്രസിഡന്റ് അസീസ് മൂസ യോഗത്തിൽ അധ്യക്ഷനായി. സമര സമിതി ചെയർമാൻ മുഹമ്മദ് റമീസ്, യൂത്ത് കോൺഗ്രസ് നേതാവ് ഷിയാസ് എന്നിവർ സംസാരിച്ചു. അസോസിയേഷൻ ഏരിയാ പ്രസിഡന്റ് അലിയാർ നന്ദി പറഞ്ഞു.