മെട്രോയോടിക്കാൻ ഗോപികയും വന്ദനയും

ഇത് ഗോപികയും വന്ദനയും. കൊച്ചി മെട്രോ ട്രെയിനുകള്‍ ഓടിക്കുന്ന സാരഥികളാണിവർ. കൊച്ചി മെട്രോയുടെ ഏഴു വനിതാ ഡ്രൈവര്‍മാരില്‍ രണ്ടുപേർ. ട്രാന്‍സ്‌ജെന്‍ഡറുകള്‍ക്ക് ജോലി നല്‍കിയ കൊച്ചി മെട്രോ തങ്ങളുടെ തീവണ്ടികളോടിക്കാനായി ഏര്‍പ്പെടുത്തിയിരിക്കുന്നത് വനിതാ പൈലറ്റുകളേയാണെന്നത് ഏറെ ശ്രദ്ധേയം. കെ.എസ്.ആര്‍.ടി.സിയില്‍ കണ്ടക്ടര്‍മാരായി വനിതകളുണ്ടെങ്കിലും വനിതാ ഡ്രൈവര്‍മാരെ അപൂര്‍വ്വമായി പോലും കാണാനാകില്ല. സംസ്ഥാനത്തിന്റെ അഭിമാന പദ്ധതിയായ കൊച്ചി മെട്രോ ട്രെയിനുകള്‍ക്ക് ചുക്കാന്‍ പിടിക്കുക ഏഴ് വനിതകളാണെന്നും അവര്‍ക്ക് ആശംസകള്‍ അര്‍പ്പിക്കുന്നതായും കൊച്ചി മെട്രോ ഫേസ്ബുക്ക് പേജിലൂടെ അറിയിച്ചു. കൊച്ചി മെട്രോ ട്രെയിനുകള്‍ ഓടിക്കുന്ന സാരഥികളായ ഗോപികയുടെയും വന്ദനയുടെയും ചിത്രങ്ങളോടെയാണ് പോസ്റ്റ്.


Kochi metro woman drivers
kochi metro trains will drive by women drivers