കൊച്ചി വാട്ടര്‍ മെട്രോ 2019 ല്‍ പൂര്‍ത്തിയാക്കും

തിരുവനന്തപുരം: കൊച്ചി വാട്ടര്‍ മെട്രോ പദ്ധതിയുടെ ആദ്യഘട്ടം 2019 ല്‍ പൂര്‍ത്തിയാക്കാനുളള നടപടികള്‍ സര്‍ക്കാര്‍ സ്വീകരിച്ചു വരികയാണെന്ന് മുഖ്യമന്ത്രി പിണറായി വിജയന്‍. നിയമസഭയില്‍
ഹൈബി ഈഡന്റെ ശ്രദ്ധക്ഷണിക്കലിന് മറുപടി നൽകുകയായിരുന്നു അദ്ദേഹം.

പദ്ധതിക്ക് വായ്പ നല്‍കുന്ന ജര്‍മ്മനിയിലെ കെ.എഫ്.ഡബ്ല്യു ഡെവലപ്മെന്റ് ബാങ്ക് അധികൃതര്‍ പദ്ധതിയുടെ പ്രവര്‍ത്തന പുരോഗതി വിലയിരുത്തി സന്തുഷ്ടി അറിയിച്ചിട്ടുണ്ട്. ഇതിന്റെ ജനറല്‍ കണ്‍സള്‍ട്ടന്റിന്റെ നിയമനം അവസാനഘട്ടത്തിലാണ്. ജനറല്‍ കണ്‍സള്‍ട്ടന്റിനെ നിയമിച്ചാല്‍ 20 മാസത്തിനുളളില്‍ ആദ്യ ഘട്ടം പൂര്‍ത്തിയാക്കാനാവമെന്നും മുഖ്യമന്ത്രി അറിയിച്ചു.

ഒന്നാം ഘട്ടം പൂര്‍ത്തിയായാല്‍ വികസനത്തെ കുറിച്ച്‌ ആലോചിക്കാം. കൊച്ചി കായലിലെ വിവിധ ഭാഗങ്ങളില്‍ താമസിക്കുന്നവര്‍ക്ക് ഗതാഗതത്തിനും ജീവിത സാഹചര്യം മെച്ചപ്പെടുത്തുന്നതിനും ഉദ്ദേശിച്ചുള്ളതാണ് കൊച്ചി സംയോജിത ജലപാത പദ്ധതിയെന്നും അദ്ദേഹം കൂട്ടിച്ചേ‍ർത്തു.

Kochi Water Metro will complete by next year

Kochi Water Metro will complete by 2019 says chief minister Pinarayi Vijayan.