തിരുവനന്തപുരം: ലോക്സഭാ തെരഞ്ഞെടുപ്പിൽ യുഡിഎഫ് തകർന്നുതരിപ്പണമാകുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സ്ഥാനാർത്ഥി നിർണ്ണയംപോലും മര്യാദയ്ക്ക് പൂർത്തിയാക്കാൻ കഴിയാത്ത കോൺഗ്രസിന് എങ്ങനെ രാജ്യം ഭരിക്കാനാകുമെന്നും കോടിയേരി ചോദിച്ചു. ബിജെപി തമ്മിലടിച്ചു തകർന്നു. തെരഞ്ഞെടുപ്പിൽ എൽഡിഎഫ് ചരിത്രവിജയം നേടും. 2004 ആവർത്തിക്കുമെന്നും കോടിയേരി പറഞ്ഞു. കേരളത്തിൽ ഇടതുതരംഗം ഉണ്ടാകാനുള്ള രാഷ്ട്രീയ സാഹചര്യമാണുള്ളതെന്ന് ഇഎംഎസ് പാർക്കിൽ നടന്ന അനുസ്മരണ യോഗത്തിൽ കോടിയേരി ബാലകൃഷ്ണൻ പറഞ്ഞു.
ഈ തെരഞ്ഞെടുപ്പ് നരേന്ദ്ര മോദി സർക്കാരിന്റെ അന്ത്യം കുറിക്കാനുള്ളതാണ്. ബിജെപിക്ക് ബദൽ ഉണ്ടാക്കാൻ കോൺഗ്രസിന് കഴിയില്ല. നാട്ടിൽ കലാപം ഉണ്ടാക്കാൻ ശ്രമിക്കുന്ന ബിജെപിക്ക് പിന്നാലെയാണ് കോൺഗ്രസെന്നും കോടിയേരി പറഞ്ഞു. ബിജെപിയുടെ സാമ്പത്തിക നയംതന്നെയാണ് കോൺഗ്രസ് സ്വീകരിക്കുന്നതെന്നും കോടിയേരി വ്യക്തമാക്കി.
ഈ തെരഞ്ഞെടുപ്പ് നരേന്ദ്ര മോദി സർക്കാരിന്റെ അന്ത്യം കുറിക്കാനുള്ളതാണ്. ബിജെപിക്ക് ബദൽ ഉണ്ടാക്കാൻ കോൺഗ്രസിന് കഴിയില്ല. നാട്ടിൽ കലാപം ഉണ്ടാക്കാൻ ശ്രമിക്കുന്ന ബിജെപിക്ക് പിന്നാലെയാണ് കോൺഗ്രസെന്നും കോടിയേരി പറഞ്ഞു. ബിജെപിയുടെ സാമ്പത്തിക നയംതന്നെയാണ് കോൺഗ്രസ് സ്വീകരിക്കുന്നതെന്നും കോടിയേരി വ്യക്തമാക്കി.