​ആർ.എസ്.എസ് കേരളത്തിലെ സമാധാനം തകർക്കുമെന്ന് കോടിയേരി

തിരുവല്ല: ആർ.എസ്.എസിനെതിരെ രൂക്ഷ വിമർശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. കേരളത്തിലെ സമാധാന അന്തരീക്ഷം തകർത്ത് കലാപത്തിന് ശ്രമിക്കുകയാണ് ആർ.എസ്.എസെന്ന് അദ്ദേഹം പറഞ്ഞു. സിപിഎം പത്തനംതിട്ട ജില്ലാസമ്മേളനത്തിൽ സംസാരിക്കുകയായിരുന്നു അദ്ദേഹം.

കേരളത്തിൻെറ മതേതര മനസ്സിനെ തകർക്കാനാണ് ആർ.എസ്.എസ് ശ്രമം. അവരുടെ ശാഖകളാണ് കേരളത്തിലെ കലാപങ്ങളുടെ ഉറവിടം. ഇതിനെ പ്രതിരോധിക്കാൻ സിപിഎം പ്രവർത്തകർ തയ്യാറാവണമെന്നും കോടിയേരി കൂട്ടിച്ചേർത്തു.