തിരുവനന്തപുരം: കണ്ണ് ചൂഴ്ന്നെടുക്കണമെന്ന ബി ജെ പി നേതാവ് സരോജ് പാണ്ഡെയുടെ പ്രസ്താവനയ്ക്ക് മറുപടിയുമായി സി പി എം സംസ്ഥാന സെക്രട്ടറി കോടിയേരി ബാലകൃഷ്ണൻ. സി പി എം പ്രവർത്തകരുടെ കണ്ണിലെന്നല്ല രോമത്തിൽ പോലും തൊടാൻ കഴിയില്ലെന്ന് കോടിയേരി വ്യക്തമാക്കി.
കലാപത്തിനുള്ള ആഹ്വാനമാണ് ബി ജെ പിയുടേത്. പ്രകോപനപരമായ പരാമർശം നടത്തിയ സരോജ് പാണ്ഡെയ്ക്ക് എതിരെ കേസെടുക്കണം. അതേസമയം, കേരളം ഭരിക്കുന്നത് തെമ്മാടി സർക്കാർ ആണെന്ന പരാമർശം നടത്തിയ മനോഹർ പരീക്കറെ ഗോവ മുഖ്യമന്ത്രി സ്ഥാനത്തുനിന്ന് പുറത്താക്കണമെന്നും കോടിയേരി ആവശ്യപ്പെട്ടു.
കേരളത്തിലെ ബി ജെ പി - ആർ എസ് എസ് പ്രവർത്തകരെ ആക്രമിക്കുന്ന സി പി എം പ്രവർത്തകരുടെ കണ്ണ് ചൂഴ്ന്നെടുക്കുമെന്നായിരുന്നു സരോജ് പാണ്ഡെയുടെ ഭീഷണി. റായ്പൂരിൽ മാധ്യമങ്ങളോട് സംസാരിക്കുമ്പോൾ ആയിരുന്നു സരോജ് പാണ്ഡെ ഇങ്ങനെ പറഞ്ഞത്. കേന്ദ്രത്തിൽ ബി ജെ പിയാണ് ഭൂരിപക്ഷമെന്നും അതുകൊണ്ടു തന്നെ കേരളത്തിലെ സർക്കാരിനെ വേണമെങ്കിൽ പിരിച്ചുവിടാമെന്നും പാണ്ഡെ പറഞ്ഞിരുന്നു.
Kodiyeri Balakrishnan reply to Saroj Pandey
CPM State Secretary Kodiyeri Balakrishnan's reply to BJP leader Saroj Pandey