കൊല്ലം: ആലപ്പാട് ഗ്രാമപഞ്ചായത്തിലെ അഴീക്കല് ബീച്ചിലേക്ക് പ്രവേശനം നിരോധിച്ചു. കൊവിഡ് 19 മുന്കരുതല് നടപടികളുടെ ഭാഗമായി ഇനിയൊരു അറിയിപ്പ് ഉണ്ടാകുന്നതുവരെ അഴീക്കല് ബീച്ചിലേക്ക് ആരെയും പ്രവേശിപ്പിക്കില്ല. നിരോധനം ലംഘിച്ച് എത്തുന്ന വാഹനങ്ങള്, സന്ദര്ശകര്ക്ക് സൗകര്യമൊരുക്കുന്ന വാണിജ്യ സ്ഥാപനങ്ങള് എന്നിവയ്ക്കെതിരെ നിയമ നടപടികള് സ്വീകരിക്കുമെന്ന് ആലപ്പാട് പഞ്ചായത്ത് സെക്രട്ടറി അറിയിച്ചു.
Also Read: കൊല്ലത്ത് നിരീക്ഷണത്തിലിരിക്കെ അപകടത്തിൽപ്പെട്ടയാളുടെ കൊവിഡ് പരിശോധനാ ഫലം നെഗറ്റീവ്
അതേസമയം കൊല്ലത്ത് നിരീക്ഷണത്തിലിരിക്കെ അപകടത്തിൽപ്പെട്ടയാൾക്ക് കൊവിഡ് ഇല്ലെന്ന് സ്ഥിരീകരിച്ചു. പള്ളിമുക്ക് സ്വദേശിക്കാണ് കൊവിഡ് ഇല്ലെന്ന് സ്ഥിരീകരിച്ചത്. വാഹനാപകടത്തിൽ ഗുരുതരമായി പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചോൾ കൊവിഡ് നിരീക്ഷണത്തിലാണെന്ന് ഡോക്ടര്മാരെ അറിയിച്ചിരുന്നില്ല.
Also Read: സംസ്ഥാനത്ത് മൂന്ന് പേർക്ക് കൂടി കൊവിഡ് 19; രോഗബാധിതരുടെ എണ്ണം 24
അതേസമയം കൊല്ലം ജില്ലയിൽ 414 പേരാണ് നിരീക്ഷണത്തിലുള്ളത്. ഇതിൽ 401 പേരും വീടുകളിലാണ് നിരീക്ഷണത്തിലുള്ളത്. ആശുപത്രികളിൽ 13 പേരാണ് നിരീക്ഷണത്തിൽ തുടരുന്നത്. ഇന്ന് പുതുതായി രണ്ട് പേരെ നിരീക്ഷണത്തിൽ പ്രവേശിപ്പിച്ചു. സംസ്ഥാനത്ത് ആകെ 12740 പേരാണ് നിരീക്ഷണത്തിലുള്ളത്.
Also Read: രജിത് കുമാര് ഒളിവില്; സ്വീകരിക്കാനെത്തിയവരെ മുഴുവന് അറസ്റ്റ് ചെയ്യുമെന്ന് മന്ത്രി