കൊല്ലം - എറണാകുളം മെമു പാളം തെറ്റി; ഗതാഗതനിയന്ത്രണം

ആലപ്പുഴ: കൊല്ലം എറണാകുളം മെമു ഹരിപ്പാട് സ്റ്റേഷനിൽ വച്ച് പാളം തെറ്റി. ഗാര്‍ഡ് കെ. എ രഞ്ജന് പരിക്കേറ്റു. ഇതേത്തുടര്‍ന്ന് തീരദേശപാതയിൽ വിവിധ സ്ഥലങ്ങളിൽ ട്രെയിനുകള്‍ പിടിച്ചിട്ടിരിക്കുകയാണ്. ഇന്നു രാവിലെ ഹരിപ്പാടു നിന്നു പുറപ്പെടുന്ന സമയത്തായിരുന്നു ഗാര്‍ഡ് റൂം ഭാഗത്തെ പിൻചക്രം പാളത്തിൽ നിന്ന് തെന്നിമാറിയത്. ട്രാക്ക് അറ്റകുറ്റപ്പണിയ്ക്കായി പാളത്തിലെ ക്ലാംപ് അഴിച്ചിട്ടിരിക്കുകയായിരുന്നു എന്നറിയുന്നു. യാത്രക്കാര്‍ക്ക് പരിക്കേറ്റിട്ടില്ല.



ചിത്രം: മനോരമ

മെമുവിലെ യാത്രക്കാരെ പിന്നിൽ വന്ന സമ്പര്‍ക്ക ക്രാന്തി എക്സ്പ്രസിൽ കയറ്റി വിട്ടു. സമ്പര്‍ക്കകാന്തി എറണാകുളം വരെ മെമു നിര്‍ത്തുന്ന എല്ലാ സ്റ്റേഷനിലും നിര്‍ത്തും.