പരവൂർ: വൈദ്യുതി തൂണിൽ ബൈക്ക് ഇടിച്ച് രണ്ടു യുവാക്കൾ മരിച്ചു. പുക്കുളം പെട്രോൾ പമ്പിനും ജങ്ഷനും ഇടക്ക് വെച്ച് കഴിഞ്ഞ രാത്രി പത്തരയോടെയാണ് അപകടം ഉണ്ടായത്. പരവൂരിൽ നിന്ന് നെടുങ്ങോലത്തേക്ക് പോകുകയായിരുന്നവരാണ് അപകടത്തിൽ മരിച്ചത്. തെക്കുംഭാഗം സ്വദേശികളായ ഷെമീർ (29), തൗസീഫ് (23) എന്നിവരാണ് മരിച്ചത്.
Also Read: കെ സുരേന്ദ്രൻ സ്ഥാനമേറ്റു; വിട്ടു നിന്ന് കുമ്മനവും ശോഭ സുരേന്ദ്രനും
ഷമീർ അപകടസ്ഥലത്ത് വെച്ച് തന്നെ മരിച്ചു. നെടുങ്ങോലം താലൂക്ക് ആശുപത്രിയിലാണ് തൗസീഫിനെ ആദ്യം പ്രവേശിപ്പിച്ചത്. അവിടെ നിന്ന് പിന്നീട് തൗസീഫിനെ പാരിപ്പള്ളി മെഡിക്കൽ കോളജ് ആശുപത്രിയിലേക്ക് മാറ്റി. ബൈക്ക് ഇടിച്ചതിന്റെ ആഘാതത്തിൽ വൈദ്യുതി തൂണിൽ നിന്ന് ലൈറ്റ് ഇളകി തൂണിന് തകരാറ് സംഭവിച്ചു.