നാട്ടകം പോളിടെക്നിക് റാഗിങ്: വിദ്യാർഥിയുടെ വൃക്ക തകരാറിൽ

കോട്ടയം: നാട്ടകം പോളിടെക്നിക്കിൽ സീനിയർ വിദ്യാർഥികളുടെ റാഗിങ്ങിനിരയായ വിദ്യാർഥിയുടെ വൃക്ക തകരാറിലായി. ഒന്നാം വര്‍ഷ ഇലക്ട്രിക്കൽ ഡിപ്ലോമ വിദ്യാര്‍ഥി അവിനാഷിന്(17) നേരെയാണ് ക്രൂരമായ റാഗിങ് ഉണ്ടായത്.

അവിനാഷിനെ നിർബന്ധിച്ച് കുടിപ്പിച്ച മദ്യത്തിലെ വിഷാംശമാണ് വൃക്ക തകരാറിലാക്കിയതെന്ന് ഡോക്ടർമാർ അറിയിച്ചു.

പൂർണനഗ്നനാക്കി നിർത്തി നൂറ് പുഷ്അപ്പും സിറ്റപ്പും എടുപ്പിക്കുകയും തറയിൽ കിടത്തി നീന്തിക്കുകയും ചെയ്തെന്നും ഒറ്റക്കാലിൽ നിർത്തുകയും മദ്യം കുടിപ്പിക്കുകയും ചെയ്തെന്നുമാണു പരാതി.

പരാതിയുടെ അടിസ്ഥാനത്തിൽ ഏഴ് വിദ്യാർഥികളെ സസ്പെന്റ് ചെയ്തു. മൂന്നാംവർഷ വിദ്യാർഥികളായ അഭിലാഷ്, മനു, രണ്ടാം വർഷ വിദ്യാർഥികളായ നിധിൻ, പ്രവീൺ, ശരൺ, ജെറിൻ, ജയപ്രകാശ് എന്നിവർക്കെതിരെയാണ് കേസ്. കോളേജ് ഹോസ്റ്റൽ താത്കാലികമായി അടച്ചിട്ടിരിക്കുകയാണ്.

റാഗിങ്ങിനെ സംബന്ധിച്ച് രണ്ട് പരാതികൾ ലഭിച്ചതായി കോട്ടയം ഡിവൈഎസ്പി അറിയിച്ചു. കോളേജ് അധികൃതരുടെ റിപ്പാര്‍ട്ടും പ്രാഥമിക അന്വേഷണവും പൂര്‍ത്തിയാക്കിയ ശേഷം മറ്റു നടപടികള്‍ സ്വീകരിക്കുമെന്നും അദ്ദേഹം അറിയിച്ചു.

Kottayam: Nattakam Polytechnic Ragging damages student’s kidneys

17-year-old Kerala student physically tortured during ragging, suffers kidney damage.