കോട്ടയം: തമിഴ്നാട് കേന്ദ്രീകരിച്ചുള്ള നിരോധിത തീവ്രവാദ സംഘടനയായ അല് ഉമ്മയുടെ സംഘത്തലവനെ കോട്ടയം വെസ്റ്റ് പോലീസ് കസ്റ്റഡിയിൽ വാങ്ങി. കേരളത്തിൽ നിന്ന് തമിഴ്നാട്ടിലേക്ക് നിരവധി കാറുകള് കടത്തിയ കേസിലാണ് പ്രതിയായ മുഹമ്മദ് റഫീഖ് പിടിയിലായത്. കേസിൻ്റെ തുടരന്വേഷണത്തിനാണ് മജിസ്ട്രേറ്റിൻ്റെ അനുമതിയോടെ പ്രതിയെ കസ്റ്റഡിയിൽ വാങ്ങിയത്.
Also Read: താറുമാറായി യൂത്ത് കോൺഗ്രസ് സംഘടനാ തെരഞ്ഞെടുപ്പ്; പൊട്ടിത്തെറിച്ച് നേതാക്കൾ, അണികൾക്കും അമർഷം!
കഴിഞ്ഞ ദിവസമാണ് കോയംമ്പത്തൂര് ഉക്കടം മേഖലയിൽ നിന്ന് ഇയാളെ അറസ്റ്റ് ചെയ്തത്. കോട്ടയം വെസ്റ്റ് പോലീസ് എസ്ഐ ടി ശ്രീജിത്തിൻ്റെ നേതൃത്വത്തിലുള്ള സംഘമാണ് മുഹമ്മദ് റഫീഖിനെ പിടികൂടിയത്. പ്രതിയെ രണ്ട് ദിവസത്തേക്കാണ് മജിസ്ട്രേറ്റ് പോലീസ് കസ്റ്റഡിയിൽ വിട്ടിരിക്കുന്നത്. തീവ്രവാദ വിരുദ്ധ സംഘം മുഹമ്മദ് റഫീഖിനെ ചോദ്യം ചെയ്തു.
Also Read: വയനാട് ജില്ലാ കളക്ടറുടെ വീടിനു നേരെ കല്ലേറ്
Also Read: കെഎഎസ് പരീക്ഷയ്ക്ക് സ്വകാര്യ റാങ്ക് ഫയലിലെ ചോദ്യങ്ങള്; നടന്നത് കോപ്പിയടി?