അണിഞ്ഞൊരുങ്ങി കോഴിക്കോട് ബീച്ച്, ഉദ്ഘാടനം ജൂലൈ 19ന്

കോഴിക്കോട് ബീച്ച് കണ്ടാല്‍ ഇപ്പോള്‍ എല്ലാവരും ഒരു നിമിഷം അമ്പരക്കും. പണ്ടത്തെ ബീച്ചേയല്ല, അതിമനോഹരമായി മോടി പിടിപ്പിച്ച പുതിയ കോഴിക്കോട് ബീച്ച് സഞ്ചാരികള്‍ക്കായി ജൂലൈ പത്തൊന്‍പതിന് ഔദ്യോഗികമായി തുറന്നു കൊടുക്കും.


പുരാതന ലോക വാണിജ്യ കേന്ദ്രങ്ങളിലൊന്നായ, കച്ചവടക്കാരുടെ പറുദീസയായിരുന്ന, കോഴിക്കോട് നഗരമിനി വര്‍ധിച്ച സൗന്ദര്യത്തോടെ ലോക സഞ്ചാരികള്‍ക്ക് സ്വാഗതമരുളും. ജില്ലാ ടൂറിസം പ്രമോഷൻ കൗൺസിലാണ് ഇവിടുത്തെ നവീകരണ പ്രവര്‍ത്തനങ്ങള്‍ക്ക് മേല്‍നോട്ടം വഹിച്ചത്.


മഴയും വെയിലും ഏൽക്കാതിരിക്കാൻ ഷെൽട്ടറുകളും സ്ഥാപിച്ചിട്ടുണ്ട്. മിനി ഹൈമാസ്റ്റ് വിളക്കുകൾ, കുടിവെള്ള സംവിധാനം, ടോയ്‌ലെറ്റുകൾ, അലങ്കാരവിളക്കുകൾ എന്നിവയെല്ലാം പുതിയ ബീച്ചില്‍ ഒരുക്കിയിട്ടുണ്ട്. 3.85 കോടി രൂപ ചെലവഴിച്ചാണ് സൗന്ദര്യവത്കരണം നടത്തിയത്. ഹാർബർ എൻജിനീയറിങ്ങാണ് നിര്‍മ്മാണ പ്രവര്‍ത്തനങ്ങള്‍ നടത്തിയത്.