സഹദിനും സിയക്കും പെൺകുഞ്ഞു; കുഞ്ഞ് എൻഐസിയുവിൽ

കോഴിക്കോട്: ഏറെ നാളത്തെ കാത്തിരിപ്പിനൊടുവിൽ കുഞ്ഞുണ്ടാകുന്ന രാജ്യത്തെ ആദ്യ ട്രാൻസ് ദമ്പതികളായ സന്തോഷത്തിൽ സിയ പവലും സഹദും. കോഴിക്കോട് മെഡിക്കൽ കോളേജിൽ ഇന്ന് രാവിലെ 9.37നാണ് സഹദ് കുഞ്ഞിന് പെൺകുഞ്ഞിന് ജന്മം നൽകിയത്.

Also Read : 'പഞ്ഞിക്കെട്ട് പോലെ മുഖമുള്ള കുഞ്ഞ്'; പിറന്നത് ഇന്ത്യയിലെ ആദ്യ ട്രാൻസ് മാതാപിതാക്കൾ; 'അച്ഛനും കുഞ്ഞും സുഖമായിരിക്കുന്നു'

കോഴിക്കോട് സ്വദേശികളായ ട്രാൻസ് ദമ്പതികളാണ് സിയ പവലും സഹദും. സർജറി നടത്തിയാണ് കുഞ്ഞിനെ പുറത്തെടുത്തത് എന്ന് കോഴിക്കോട് മെഡിക്കൽ കോളേജ് ഗൈനക്കോളജി വിഭാഗം സമയം മലയാളത്തോട് പറഞ്ഞു. 2.92 കിലോ ഗ്രാം ആണ് കുഞ്ഞിന്റെ ഭാരമുള്ളതെന്നും അധികൃതർ വ്യക്തമാക്കിയിട്ടുണ്ട്.

ഹൃദയമിടുപ്പ് കുറവായതിനാലും കുഞ്ഞിനാവശ്യമായ മുലപ്പാൽ ഇല്ലാത്തതിനാലും കുഞ്ഞിനെ ഇപ്പോൾ എൻഐസിയുവിലാണ് പ്രവേശിപ്പിച്ചിരിക്കുന്നതെന്നും അധികൃതർ വ്യക്തമാക്കി.

ഒടുവിൽ ഞങ്ങളുടെ മാലാഖയെത്തി. ഞങ്ങൾ പ്രതീക്ഷിച്ചത് പോലൊരു സുന്ദരി പെൺകുഞ്ഞ്. അമ്മയും കുഞ്ഞു സുഖമായിരിക്കുന്നു. പ്രാർഥനയോടെ ഒപ്പം നിന്നവർക്കും പിന്തുണച്ചവർക്കും നന്ദി എന്നായിരുന്നു സിയ മനോരമയോട് പറഞ്ഞത്.

കുഞ്ഞുപിറന്നതിന്റെ സന്തോഷവാർത്ത പങ്കിട്ട് നിരവധി താരങ്ങളും രംഗത്തുവന്നിട്ടുണ്ട്. സിയ-സഹദ് ദമ്പതികളുടെ മെറ്റേണിറ്റി ഫോട്ടോഷൂട്ട് സമൂഹമാധ്യമങ്ങളിൽ വൈറലായിരുന്നു. ഇതോടെയാണ് രാജ്യത്തെ തന്നെ ആദ്യത്തെ ട്രാൻസ് ദമ്പതിമാർക്ക് കുട്ടി ജനിക്കാൻ പോകുന്നതെന്ന വാർത്തകൾ പുറംലോകം അറിഞ്ഞത്.

ഇരുവരും ട്രാൻസ് വ്യക്തികളായെങ്കിലും ഇരുവരുടേയും ശരീരത്തിലെ മാറ്റങ്ങൾ പാതിവഴിയിൽ എത്തിയപ്പോഴാണ് ഒരു കുഞ്ഞുവേണമെന്ന ആഗ്രഹം ഉടലെടുത്തത്. ആദ്യം ഒരു കുഞ്ഞിനെ ദത്തെടുക്കാനാണ് ദമ്പതികൾ ആലോചിച്ചിരുന്നത്. എന്നാൽ, ഇതിന്റെ സാങ്കേതിക പ്രശ്നങ്ങൾ കണ്ടതിന് പിന്നലെയാണ് കുഞ്ഞിന് ജന്മം നൽകാമെന്ന് ഇരുവരും തീരുമാനിച്ചത്.

Also Read : കുരുക്കിലായി കെസിആറിന്റെ മകളും; എന്താണ് ഡൽഹിയെ വിറപ്പിച്ച 'ബാർക്കോഴ' വിവാദം

സഹദ് ഹോർമോൺ തെറാപ്പിയും സ്തനങ്ങൾ മാറ്റുകയും ചെയ്തിരുന്നു. എന്നാൽ, ഗർഭപാത്രം നീക്കാനുള്ള ഘട്ടമെത്തിയപ്പോഴേക്കുമാണ് കുഞ്ഞിനേക്കുറിച്ചുള്ള ആഗ്രഹം ഉണ്ടാകുന്നത്. പങ്കാളിയായ സിയ ട്രാൻസ് വനിതയാകുന്നതിനുള്ള ശസ്ത്രക്രിയക്ക് വിധേയയായിരുന്നില്ല.

Read Latest National News and Malayalam News