പങ്കാളികളെയും മക്കളെയും ഉപേക്ഷിച്ച് ഗായകനും യുവതിയും ഒളിച്ചോടി

കോഴിക്കോട്: വിവാഹവീട്ടിൽ വെച്ച് പരിചയപ്പെട്ട ഗായകനും യുവതിയും മക്കളെ ഉപേക്ഷിച്ച് ഒളിച്ചോടി. കോഴിക്കോട് കല്ലിടുക്കിൽ ഷമ്മാസ്(35), നടുവണ്ണൂർ സ്വദേശി കുറ്റിക്കാട്ടിൽ ഷിബിന (31) എന്നിവരാണ് ഒളിച്ചോടിയത്. ഇരുവരെയും കൊട്ടാരക്കരയിൽ നിന്നാണ് പോലീസ് കണ്ടെത്തിയത്.

ഷമ്മാസ് വിവാഹിതനും മൂന്ന് കുട്ടികളുടെ പിതാവുമാണ്. ഷിബിന വിവാഹിതയും ഒരു കുട്ടിയുടെ അമ്മയുമാണ്. കൊട്ടാരക്കരയിൽ ഒളിച്ചു താമസിച്ചിരുന്ന ഇരുവരുടെയും പേരിൽ ജുവനൈൽ ജസ്റ്റിസ് ആക്ട് പ്രകാരം പോലീസ് കേസെടുത്തു.കഴിഞ്ഞ മാസം 30ണ് ഷമ്മാസിന്റെ ഭാര്യയും ഷിബിനയുടെ ഭർത്താവും ഇവരെ കാണാനില്ലെന്ന് കാണിച്ച് പരാതി നൽകിയിരുന്നു. തുടർന്ന് പോലീസ് നടത്തിയ അന്വേഷണത്തിലാണ് ഇരുവരെയും കൊട്ടാരക്കരയിൽ നിന്ന് കണ്ടെത്തിയത്.