കെപിസിസി ക്യാംപ് എക്സിക്യുട്ടീവിന് ഇന്നു തുടക്കം

നിയമസഭാ തിരഞ്ഞെടുപ്പിലെ പരാജയ കാരണം വിലയിരുത്താന്‍ രണ്ടു ദിവസത്തെ കെപിസിസി ക്യാംപ് എക്സിക്യുട്ടീവിന് ഇന്നു തുടക്കം. തെരഞ്ഞെടുപ്പു തോല്‍വിയെച്ചൊല്ലി നേതാക്കള്‍ പരസ്പരം പരസ്യമായ പഴിചാരുന്നതിനിടെയാണു യോഗം ചേരുന്നത്.

പാര്‍ട്ടിയുടെ സംസ്ഥാന അധ്യക്ഷന്‍ വി.എം. സുധീരന്‍, സര്‍ക്കാരിനെ നയിച്ച ഉമ്മന്‍ചാണ്ടി, രമേശ് ചെന്നിത്തല എന്നിവര്‍ ഒരു പോലെ പരാജയത്തിനു കാരണക്കാരാണെന്ന വിമര്‍ശനം ശക്തമായി നിലനില്‍ക്കെയാണു രണ്ടു ദിവസത്തെ ക്യാംപ് എക്സിക്യുട്ടീവ്.