കണ്ണൂര് കോര്പ്പറേഷന് മേയറായി കോണ്ഗ്രസിലെ സുമ ബാലകൃഷ്ണന് തെരഞ്ഞെടുക്കപ്പെട്ടു. 55 അംഗ കൗണ്സിലില് 28 അംഗങ്ങളുടെ പിന്തുണ നേടിയാണ് സുമ ബാലകൃഷ്ണന് തെരഞ്ഞെടുക്കപ്പെട്ടത്. മുന് മേയറും എല്ഡിഎഫ് സ്ഥാനാര്ത്ഥിയുമായ ഇപി ലതയ്ക്ക് 25 വോട്ടുകളാണ് ലഭിച്ചത്. എല്ഡിഎഫ് കൗണ്സിലര് കെ റോജയുടെ വോട്ട് അസാധുവായി.
രാഗേഷ് കൂറുമാറിയതിനു പിന്നാലെ ഡെപ്യൂട്ടി മേയര്ക്ക് എതിരെ ഇടത് മുന്നണി അവിശ്വാസ പ്രമേയം കൊണ്ടുവന്നിരുന്നു. എന്നാല് ഇത് പരാജയപ്പെടുകയായിരുന്നു. എല്ഡിഎഫിലെ 26 അംഗങ്ങള് മാത്രമാണ് പ്രമേയത്തെ അനുകൂലിച്ചത്.
കെ സുധാകരന് ഇടപെട്ട് ലോക് സഭ തെരഞ്ഞെടുപ്പ് കാലത്താണ് വിമതനായിരുന്ന പികെ രാഗേഷിനെ കോണ്ഗ്രസിലേക്ക് അടുപ്പിച്ചത്. തെരഞ്ഞെടുപ്പിലും രാഗേഷ് പിന്തുണച്ചത് കോണ്ഗ്രസിനെയാണ്.