തിരുവനന്തപുരം: നിയമസഭാ തെരഞ്ഞെടുപ്പ് വിധി അപ്രതീക്ഷിതമായിരുന്നുവെന്ന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. ഇത്തരത്തിലൊരു ജനവിധി വരാനുള്ള അസാധാരണമായ രാഷ്ട്രീയ സാഹചര്യം കേരളത്തിലില്ല. എന്നാൽ ജനവിധി കോൺഗ്രസ് നേതൃത്വം മാനിക്കുകയാണെന്നും മാധ്യമ പ്രവർത്തകരോട് സംസാരിക്കുന്നതിനിടെ മുല്ലപ്പള്ളി വ്യക്തമാക്കി.
കോൺഗ്രസിൻ്റെ ആത്മവിശ്വാസം ഒരു കാലത്തും തകർന്നിട്ടില്ല. പരാജയത്തെ പരാജയമായി കോൺഗ്രസ് കാണുകയാണ്. തിരിച്ചടി ഉണ്ടായപ്പോഴെല്ലാം വിശദമായി പഠിച്ച് കോൺഗ്രസ് വിലയിരുത്തി മുന്നോട്ട് പോയിട്ടുണ്ട്. പരാജയത്തെക്കുറിച്ച് പഠിക്കും. തെരഞ്ഞെടുപ്പിൽ ആത്മാർഥമായി കഠിനധ്വാനം ചെയ്തവരെ അഭിനന്ദിക്കുകയാണെന്നും അദ്ദേഹം കെപിസിസി അധ്യക്ഷൻ പറഞ്ഞു.
ജനവിധി പൂർണമായും മാനിക്കുന്നുവെന്ന് മുൻ മുഖ്യമന്ത്രി ഉമ്മൻ ചാണ്ടി പറഞ്ഞു. ജനാധിപത്യത്തിൽ ജയവും തോൽവിയും സാധാരണമാണ്. പരാജയത്തെ വെല്ലുവിളിയോടെ ഏറ്റെടുക്കുകയാണെന്നും അദ്ദേഹം പറഞ്ഞു. തുടർഭരണത്തിന് തക്കതായി ഇടതുമുന്നണി സർക്കാർ ഒന്നും ചെയ്തില്ല. ഇക്കാര്യം ജനങ്ങളെ ബോധ്യപ്പെടുത്താൻ ശ്രമം നടത്തിയെങ്കിലും ജനവിധിക്ക് വിരുദ്ധമായിട്ടാണ് സംഭവിച്ചത്. ജയിക്കുമ്പോള് അഹങ്കരിക്കുകയും തോല്ക്കുമ്പോള് നിരാശപ്പെടുകയും ചെയ്താൽ രാഷ്ട്രീയ രംഗത്ത് സുഗമമായി മുന്നോട്ട് പോകാൻ സാധിക്കില്ലെന്നും ഉമ്മൻ ചാണ്ടി വ്യക്തമാക്കി.
വാശിയേറിയ മത്സരത്തിനൊടുവിലാണ് പുതുപ്പള്ളിയിൽ ഉമ്മൻ ചാണ്ടി വിജയമുറപ്പിച്ചത്. എൽഡിഎഫ് സ്ഥാനാർഥി ജെയ്ക്ക് സി തോമസ് ഉമ്മൻ ചാണ്ടിക്ക് ശക്തമായ വെല്ലുവിളിയാണ് ഉയർത്തിയത്.
കോൺഗ്രസിൻ്റെ ആത്മവിശ്വാസം ഒരു കാലത്തും തകർന്നിട്ടില്ല. പരാജയത്തെ പരാജയമായി കോൺഗ്രസ് കാണുകയാണ്. തിരിച്ചടി ഉണ്ടായപ്പോഴെല്ലാം വിശദമായി പഠിച്ച് കോൺഗ്രസ് വിലയിരുത്തി മുന്നോട്ട് പോയിട്ടുണ്ട്. പരാജയത്തെക്കുറിച്ച് പഠിക്കും. തെരഞ്ഞെടുപ്പിൽ ആത്മാർഥമായി കഠിനധ്വാനം ചെയ്തവരെ അഭിനന്ദിക്കുകയാണെന്നും അദ്ദേഹം കെപിസിസി അധ്യക്ഷൻ പറഞ്ഞു.
ജനവിധി പൂർണമായും മാനിക്കുന്നുവെന്ന് മുൻ മുഖ്യമന്ത്രി ഉമ്മൻ ചാണ്ടി പറഞ്ഞു. ജനാധിപത്യത്തിൽ ജയവും തോൽവിയും സാധാരണമാണ്. പരാജയത്തെ വെല്ലുവിളിയോടെ ഏറ്റെടുക്കുകയാണെന്നും അദ്ദേഹം പറഞ്ഞു. തുടർഭരണത്തിന് തക്കതായി ഇടതുമുന്നണി സർക്കാർ ഒന്നും ചെയ്തില്ല. ഇക്കാര്യം ജനങ്ങളെ ബോധ്യപ്പെടുത്താൻ ശ്രമം നടത്തിയെങ്കിലും ജനവിധിക്ക് വിരുദ്ധമായിട്ടാണ് സംഭവിച്ചത്. ജയിക്കുമ്പോള് അഹങ്കരിക്കുകയും തോല്ക്കുമ്പോള് നിരാശപ്പെടുകയും ചെയ്താൽ രാഷ്ട്രീയ രംഗത്ത് സുഗമമായി മുന്നോട്ട് പോകാൻ സാധിക്കില്ലെന്നും ഉമ്മൻ ചാണ്ടി വ്യക്തമാക്കി.
വാശിയേറിയ മത്സരത്തിനൊടുവിലാണ് പുതുപ്പള്ളിയിൽ ഉമ്മൻ ചാണ്ടി വിജയമുറപ്പിച്ചത്. എൽഡിഎഫ് സ്ഥാനാർഥി ജെയ്ക്ക് സി തോമസ് ഉമ്മൻ ചാണ്ടിക്ക് ശക്തമായ വെല്ലുവിളിയാണ് ഉയർത്തിയത്.