തിരുവനന്തപുരം: കെപിസിസി പുനസംഘടന ഉടനെന്ന് സംസ്ഥാന അധ്യക്ഷൻ മുല്ലപ്പള്ളി രാമചന്ദ്രൻ. എല്ലാ വിഭാഗങ്ങള്ക്കും പുനസംഘടനയിൽ പരിഗണന നൽകുമെന്നും മുല്ലപ്പള്ളി രാമചന്ദ്രൻ മാധ്യമ പ്രവര്ത്തകരോട് പറഞ്ഞു. കെപിസിസിയിലെ ജംബോ കമ്മിറ്റികള് ഒഴിവാക്കും. നേതാക്കളുടെ കാര്യക്ഷമത പദവികള്ക്ക് മാനദണ്ഡമാകും. പ്രവര്ത്തനങ്ങളിൽ കാര്യക്ഷമത കാട്ടിയവര്ക്ക് കൂടുതൽ പരിഗണന ഉണ്ടാകുമെന്നും വൈസ് പ്രസിഡൻ്റ് പദവി ഇല്ലാതാക്കുമെന്നും മുല്ലപ്പള്ളി പറഞ്ഞു.
അതേസമയം കെപിസിസി ഭാരവാഹികളുടെ എണ്ണം 24 ആയി പുനർനിശ്ചയിക്കാൻ നീക്കമുണ്ട്. എം ഐ ഷാനവാസ് അന്തരിച്ചതിനെ തുടർന്ന് പുതിയ വർക്കിങ് പ്രസിഡൻ്റിനെയും തെരഞ്ഞെടുക്കും. ഇക്കാര്യങ്ങൾ ഹൈക്കമാൻഡുമായി ചർച്ചചെയ്യാനായി മുല്ലപ്പള്ളി നാളെ ഡൽഹിയിലേക്ക് പോകും.
അതേസമയം കെപിസിസി ഭാരവാഹികളുടെ എണ്ണം 24 ആയി പുനർനിശ്ചയിക്കാൻ നീക്കമുണ്ട്. എം ഐ ഷാനവാസ് അന്തരിച്ചതിനെ തുടർന്ന് പുതിയ വർക്കിങ് പ്രസിഡൻ്റിനെയും തെരഞ്ഞെടുക്കും. ഇക്കാര്യങ്ങൾ ഹൈക്കമാൻഡുമായി ചർച്ചചെയ്യാനായി മുല്ലപ്പള്ളി നാളെ ഡൽഹിയിലേക്ക് പോകും.