കേരളത്തിൽ 24 ലക്ഷം വൈദ്യുതി കണക്ഷനുകൾ പുനസ്ഥാപിച്ചെന്ന് എംഎം മണി

തിരുവനന്തപുരം: പ്രളയബാധയെ തുടർന്ന് തകരാറിലായ വൈദ്യുതി കണക്ഷനുകൾ പുനസ്ഥാപിക്കാനുള്ള ഊര്‍ജ്ജിത ശ്രമത്തിലാണ് കെഎസ്ഇബി. 25 ലക്ഷം വീടുകളിലാണ് വൈദ്യുതി മുടങ്ങിയത്. അതിൽ 24 ലക്ഷം വീടുകളിലും വൈദ്യുതി പുനസ്ഥാപിച്ചുവെന്ന് മന്ത്രി എംഎം മണി അറിയിച്ചു.

ഇനി ഒരു ലക്ഷം കണക്ഷനാണ് പുനസ്ഥാപിക്കാനായിയുള്ളത്. പ്രളയത്തിൽ വയറിംഗ് തകരാറായ 255 വീടുകളിൽ ഒരു പോയിന്‍റ് കണക്ഷൻ നൽകി വൈദ്യുതി എത്തിച്ചിട്ടുണ്ട്. വെള്ളപ്പൊക്കത്തെ തുടർന്ന് ഓഫ് ചെയ്തിരുന്ന 16158 ട്രാന്‍സ്ഫോര്‍മറുകളിൽ 15032 എണ്ണം പ്രവര്‍ത്തനക്ഷമമായെന്നും മന്ത്രി അറിയിച്ചു.