ഫെബ്രുവരി 6 വരെ സൗജന്യം; വൈദ്യുത വാഹനങ്ങള്‍ക്ക് ചാര്‍ജ്ജിങ് സ്റ്റേഷനുകള്‍ സജ്ജമാക്കി കെഎസ്ഇബി

തിരുവനന്തപുരം: സംസ്ഥാനത്ത് വൈദ്യുതി വാഹനങ്ങളുടെ വ്യാപനം ലക്ഷ്യമിട്ട് കേരളത്തിലുടനീളം ചാർജിങ് സ്റ്റേഷൻ ശൃംഖല ഒരുക്കി കെഎസ്ഇബി. പരിസ്ഥിതി സൗഹൃദപരമായ ഗതാഗത സംവിധാനം ഒരുക്കുന്നതിന് ഭാഗമായി വൈദ്യുതി വകുപ്പിന്റെ നടപടി.

Also Read : കൊവി‍ഡ് വാക്സിന്‍: കുത്തിവെപ്പ് എങ്ങനെ, പാര്‍ശ്വഫലങ്ങളെ പേടിക്കണോ?

സംസ്ഥാന സർക്കാരിന്റെ ഇ - വെഹിക്കിൾ നയപ്രകാരം ചാർജ് സ്റ്റേഷനുകൾക്കുള്ള നോഡൽ ഏജൻസിയായി കെഎസ്ഇബിഎലിനെ തെരഞ്ഞെടുത്തിട്ടുണ്ട്. അത് അനുസരിച്ച് ആദ്യപടിയായി കെഎസ്ഇബിഎൽ വൈദ്യുതചാർജ് സ്റ്റേഷനുകളുടെ നിർമ്മാണം പൂർത്തിയാക്കി. താഴെ പറയുന്ന സ്ഥലങ്ങളിലാണ് ആദ്യപടിയായി നിര്‍മ്മാണം പൂര്‍ത്തിയാക്കിയിരിക്കുന്നത്.

1. നേമം, ഇലക്ട്രിക്കൽ സെക്ഷൻ, തിരുവനന്തപുരം

2. ഓലൈ, ഇലക്ട്രിക്കൽ സെക്ഷൻ, കൊല്ലം

3. പാലാരിവട്ടം, വൈദ്യുതി ഭവനം, എറണാകുളം

4. വിയ്യൂർ, സബ്സ്റ്റേഷൻ, തൃശ്ശൂർ

5. നല്ലളം, സബ്സ്റ്റേഷൻ, കോഴിക്കോട്

6. ചൊവ്വ, സബ്സ്റ്റേഷൻ, കണ്ണൂർ

ഇതിന് പുറമെ, ആകര്‍ഷകമായ നിരവധി ഇളവുകളും കെഎസ്ഇബി മുന്നോട്ട് വയ്ക്കുന്നുണ്ട്. വൈദ്യുതി വാഹനങ്ങളെ പ്രോത്സാഹിപ്പിക്കുന്നതിന്റെ ഭാഗമായി കെ എസ് ഇ ബിയുടെ ഇളവുകള്‍. വൈദ്യുത കാർ ചാർജിംഗ് സ്റ്റേഷനുകളിൽ നിന്ന് 2021 ഫെബ്രുവരി 6 വരെ തികച്ചും സൗജന്യമായി കാർ ചാർജ് ചെയ്യാം.

Also Read : കൊച്ചി മറൈൻ ഡ്രൈവിലെ ഫ്ലാറ്റി നിന്നും ജോലിക്കാരി താഴേക്ക് ചാടി

കെ എസ് ഇ ബിയുടെ 6 വൈദ്യുത കാർ ചാർജിംഗ് സ്റ്റേഷനുകളിൽ ഇക്കഴിഞ്ഞ നവംബർ 7 മുതൽ ഇത് സൗജന്യമാണ്. കൂടാതെ, എല്ലാ ജില്ലകളിലുമായി 56 ചാർജിംഗ് സ്റ്റേഷനുകളുടെ നിർമ്മാണ പ്രവർത്തനങ്ങൾ കെഎസ്ഇബിഎൽ ആരംഭിച്ചിട്ടുണ്ട്. അതിൽ സർക്കാർ പൊതുമേഖലയിലുള്ള ഉടമസ്ഥതയിലുള്ള 12 സ്ഥലങ്ങൾ കൂടി ഉൾപ്പെടുന്നു. ഇത് സംബന്ധിച്ച് കെഎസ്ഇബി തന്നെയാണ് ഫെയ്സ്ബുക്ക് പോസ്റ്റ് പുറത്തുവിട്ടിരിക്കുന്നത്.