കെഎസ്ഇബിയുടെ ഈ നമ്പരുകൾ സേവ് ചെയ്യൂ; ഒറ്റ വിളിയിൽ ഏത് പരാതിയും പരിഹരിക്കാം, ഓഫീസിലെത്തേണ്ടതില്ല

തിരുവനന്തപുരം: ഉപഭോക്താക്കൾക്ക് കൂടുതൽ സൗകര്യങ്ങളുമായി കെഎസ്ഇബി. സേവനങ്ങള്‍ക്കായി ഓഫീസുകൾ സന്ദർശിക്കാതെ ഏത് സേവനങ്ങളും ലഭ്യമാക്കാനുള്ള ടോൾ ഫ്രീ നമ്പരുകളാണ് കെഎസ്ഇബി പങ്കുവച്ചത്.ശബരിമല വിമാനത്താവളം: സർവേയും അതിർത്തി നിർണയവും ഉടൻ, ഒരു മാസത്തിനുള്ളിൽ സർവേ പൂർത്തിയാക്കും
ഒരു തവണ പോലും സെക്ഷന്‍ ഓഫീസ് സന്ദര്‍ശിക്കാതെ, പുതിയ വൈദ്യുതി കണക്ഷന്‍, താരിഫ് മാറ്റല്‍, ഉടമസ്ഥാവകാശം മാറ്റല്‍, ഫേസ് മാറ്റല്‍, മീറ്ററും ലൈനും മാറ്റി സ്ഥാപിക്കല്‍ തുടങ്ങിയ സേവനങ്ങള്‍ ഒറ്റ ഫോണ്‍ കോളിലൂടെ ലഭ്യമാക്കുന്ന 'സേവനങ്ങൾ വാതിൽപ്പടിയിൽ' പദ്ധതി കെഎസ്ഇബിയുടെ എല്ലാ സെക്ഷനോഫീസുകളിലും ലഭ്യമാണെന്ന് കെഎസ്ഇബി അറിയിച്ചു.


സേവനത്തിനായി നിയോഗിക്കപ്പെട്ട കെഎസ്ഇബി ഉദ്യോഗസ്ഥന്‍ ഉപഭോക്താവിന്‍റെ വീട്ടില്‍ എത്തുകയും ആവശ്യമായ വിവരങ്ങള്‍ പ്രത്യേക മൊബൈല്‍ ആപ്പില്‍ രേഖപ്പെടുത്തുകയും, സമര്‍പ്പിക്കേണ്ട രേഖകളുടെ ഫോട്ടോ സ്വയമെടുത്ത് അപ്ലോഡ് ചെയ്യുകയും ചെയ്യുന്ന ശൈലിയാണ് അവലംബിക്കുന്നത്.

ഇതിലൂടെ വൈദ്യുതി സെക്ഷന്‍ ഓഫീസുകള്‍ പേപ്പര്‍ലെസ് ഓഫീസുകളായി മാറുവാനും ഉപഭോക്താക്കള്‍ നല്‍കുന്ന വിവരങ്ങള്‍ എക്കാലവും ഡിജിറ്റല്‍ രേഖകളായി‍ സൂക്ഷിച്ചു വയ്ക്കുവാനും കഴിയും. 1912 എന്ന, കെ എസ് ഇ ബിയുടെ 24/7 പ്രവർത്തിക്കുന്ന ടോൾ ഫ്രീ നമ്പരിൽ വിളിച്ചും 9496001912 എന്ന നമ്പരിലേക്ക് വാട്സാപ് സന്ദേശമയച്ചും 'സേവനങ്ങൾ വാതിൽപ്പടിയിൽ' ആവശ്യപ്പെടാവുന്നതാണ്.

യാത്രാ തിരക്കിന് ശമനമുണ്ടാകുമോ? ഈ ഏഴ് ട്രെയിനുകളിൽ അധിക കോച്ചുകൾ അനുവദിച്ച് റെയിൽവേ
വൈദ്യുതി ബിൽ കുടിശിക അടച്ചു തീർക്കാനുള്ള സൗകര്യം തുടരുകയാണ്. ദീര്‍ഘകാല കുടിശ്ശിക വമ്പിച്ച പലിശ ഇളവോടെ അനായാസം അടച്ചുതീര്‍ക്കാനുള്ള ഒറ്റത്തവണ തീര്‍പ്പാക്കല്‍ പദ്ധതിയാണ് കെഎസ്ഇബി അവതരിപ്പിച്ചിരിക്കുന്നത്. രണ്ടുവര്‍ഷത്തിനുമേല്‍ പഴക്കമുള്ള കുടിശ്ശികകള്‍ ഈ പദ്ധതിയിലൂടെ ആകര്‍ഷകമായ പലിശയിളവോടെ തീര്‍പ്പാക്കാം. റവന്യൂ റിക്കവറി നടപടികള്‍ പുരോഗമിക്കുന്നതോ കോടതി വ്യവഹാരത്തിലുള്ളതോ ആയ കുടിശ്ശികകളും ഈ പദ്ധതിയിലൂടെ തീര്‍പ്പാക്കാം.
കൂടുതൽ വിവരങ്ങൾക്കും പണം അടയ്ക്കാനുമായി പ്രത്യേക പോർട്ടലായ ots.kseb.in സന്ദർശിക്കാവുന്നതാണ്.

Read Latest Kerala News and Malayalam News