സംസ്ഥാനത്ത് 100 ആധുനിക തിയേറ്ററുകള്‍ നിര്‍മ്മിക്കാൻ കെഎസ്എഫ്ഡിസി ഒരുങ്ങുന്നു
തിയേറ്ററിന്‍റെ പ്രവര്‍ത്തനം ഉടന്‍ ആരംഭിക്കും
TNN9 Jan 2017, 12:23 pm
തിരുവനന്തപുരം: സംസ്ഥാനത്തുടനീളം ചലച്ചിത്ര വികസന കോര്‍പ്പറേഷന്‍ 100ലേറെ ആധുനിക സൗകര്യങ്ങളുള്ള തിയേറ്റര്‍ കോംപ്ലക്സുകള്‍ നിര്‍മിക്കാന്‍ ഒരുങ്ങുന്നു. ചലച്ചിത്ര മേഖലയുടെ സമഗ്ര വികസനം ലക്ഷ്യമാക്കി കൊണ്ടാണ് സംസ്ഥാന സര്‍ക്കാര്‍ സാംസ്‍‍കാരിക വകുപ്പിന്‍റെ കീഴില്‍ കെഎസ്എഫ്ഡിസി തീയേറ്ററുകള്‍ നിര്‍മികുന്നത്.
Samayam Malayalamസംസ്ഥാനത്ത് 100 ആധുനിക തിയേറ്ററുകള്‍ നിര്‍മ്മിക്കാൻ കെഎസ്എഫ്ഡിസി ഒരുങ്ങുന്നു
ആദ്യ ഘട്ടത്തില്‍ 35 കോംപ്ലക്സുകളാണ് നിര്‍മിക്കുക. കെഎസ്എഫ്ഡിസി തുടങ്ങുന്ന ഫിലിം തിയേറ്ററുകളില്‍ ഒന്ന് പരിയാരത്ത് സ്ഥാപിക്കും. ടി വി രാജേഷ് എംഎല്‍എയുടെ നേതൃത്വത്തില്‍ കെഎസ്എഫ്ഡിസി ഭാരവാഹികള്‍ കഴിഞ്ഞ സ്ഥലം സന്ദര്‍ശിച്ചു. രണ്ടു വലിയ തിയേറ്ററുകളും ഒരു ഹോം തിയേറ്ററും കോംപ്ലക്സില്‍ ഉണ്ടാകുമെന്ന് ചെയര്‍മാന്‍ ലെനിന്‍ രാജേന്ദ്രന്‍ അറിയിച്ചു. അഞ്ച് കോടിയോളം ചെലവ് വരുമെന്നാണ് പ്രതീക്ഷിക്കുന്നത്. തിയേറ്ററിന്‍റെ പ്രവര്‍ത്തനം ഉടന്‍ ആരംഭിക്കും.
കെഎസ്എഫ്ഡിസി ചിത്രാഞ്ജലി സ്റ്റുഡിയോയില്‍ നിര്‍മിക്കുന്ന ഫിലിം സിറ്റി പദ്ധതിയുടെ അവതരണവും പുതിയതായി നിര്‍മ്മിക്കുന്ന തിയേറ്റര്‍ സമുച്ചയങ്ങള്‍ക്ക് സ്ഥലം വിട്ടുനല്‍കുന്നതിനുളള സമ്മതപത്രങ്ങളുടെ കൈമാറ്റവും കഴിഞ്ഞ ദിവസം നടന്നു. 700 പേര്‍ക്ക് ഇരിക്കാന്‍ കഴിയുന്ന തിയേറ്റര്‍ സമുച്ചയമാണ് ഫിലംസിറ്റിയില്‍ ഉണ്ടാവുകയെന്ന് കെഎസ്എഫ്ഡിസി മാനേജിങ് ഡയറക്ടര്‍ ദീപ ഡി നായര്‍ അറിയിച്ചു.
കഴിഞ്ഞ ദിവസം നോര്‍ത്ത് പറവൂറിലെ ചിത്രാഞ്ജലി തീയേറ്ററില്‍ നടന്ന ചടങ്ങില്‍ സംസ്‌കാരിക മന്ത്രി എ.കെ.ബാലന്‍ തദ്ദേശസ്വയംഭരണ സ്ഥാപനങ്ങളുടെ അധ്യക്ഷന്‍മാരില്‍ നിന്നു സമ്മതപത്രങ്ങള്‍ ഏറ്റുവാങ്ങി. പുനലൂര്‍, കായംകുളം, ഏറ്റുമാനൂര്‍, വൈക്കം, കൂത്താട്ടുകുളം, പയ്യന്നൂര്‍, ആന്തൂര്‍, നീലേശ്വരം നഗരസഭകളും അളഗപ്പ നഗര്‍ ഗ്രാമപഞ്ചായത്തുമാണ് സമ്മതപത്രം കൈമാറിയിട്ടുള്ളത്. പരിയാരം മെഡിക്കല്‍ കോളേജിന് സമീപം ദേശീയ പാതയില്‍ 76 സെന്‍റ് മിച്ചഭൂമിയാണ് ഫിലിം കോംപ്ലക്സ് നിര്‍മാണത്തിനായി കണ്ടെത്തിയിട്ടുള്ളത്.
പരിയാരം മെഡിക്കല്‍ കോളേജിന് സമീപത്തെ സ്ഥലം തിയേറ്റര്‍ നിര്‍മ്മാണത്തിന് ഉചിതമാണെന്ന് കണ്ട് ടി വി രാജേഷ് എംഎല്‍എ ചലച്ചിത്ര വികസന കോര്‍പറേഷന് കത്തു നല്‍കിയിരുന്നു. കെഎസ്എഫ്ഡിസി മാനേജിങ് ഡയറക്ടര്‍ ദീപ ഡി നായര്‍, ബോര്‍ഡ് മെമ്പര്‍ ഷെറി എന്നിവരും സ്ഥലം സന്ദര്‍ശിക്കാനെത്തിയ സംഘത്തില്‍ ഉണ്ടായിരുന്നു.
KSFDC plans 100 more theatres in state
Kerala State Film Development Corporation plans to build 100 more Theatres in state
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
