കെഎസ്‌ആര്‍ടിസി ബസ് മറിഞ്ഞു: മുപ്പതോളം പേര്‍ക്ക് പരിക്ക്

തിരുവനന്തപുരം ആറ്റിങ്ങലിനു സമീപം 28-ാം മൈലില്‍ കെഎസ്‌ആര്‍ടിസി സൂപ്പര്‍ ഫാസ്റ്റ് ബസ് നിയന്ത്രണംവിട്ടു മറിഞ്ഞ് മുപ്പതോളം പേര്‍ക്കു പരിക്കേറ്റു. ആലപ്പുഴയില്‍ നിന്ന് തിരുവനന്തപുരത്തേക്കു പോവുകയായിരുന്ന ബസ്സാണ് അപകടത്തില്‍പ്പെട്ടത്. നിയന്ത്രണംവിട്ട ബസ് കുഴിയിലേക്ക് മറിയുകയായിരുന്നു.

പൊലീസും നാട്ടുകാരും ചേര്‍ന്ന് ബസിന്റെ മുന്‍ഭാഗം വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. പരിക്കേറ്റവരെ സമീപത്തെ സ്വകാര്യ ആശുപത്രിയിലേക്ക് മാറ്റി.