കൊച്ചിയില്‍ കെഎസ്ആര്‍ടിസി ബസ് മരത്തിലിടിച്ച് ഡ്രൈവര്‍ മരിച്ചു; 26 പേര്‍ക്ക് പരിക്ക്

കൊച്ചി: പാലാരിവട്ടം ചക്കരപ്പറമ്പില്‍ കെഎസ്ആര്‍ടിസി ബസ് മരത്തിലിടിച്ച് ഡ്രൈവര്‍ മരിച്ചു. തിരുവനന്തപുരം സ്വദേശി അരുണ്‍ സുകുമാര്‍ (45) ആണ് മരിച്ചത്. ബസിലുണ്ടായിരുന്ന 26 യാത്രക്കാര്‍ക്ക് പരിക്കേറ്റു. തിരുവനന്തപുരം- കോഴിക്കോട് സൂപ്പര്‍ ഡീലക്‌സ് ബസാണ് അപകടത്തില്‍ പെട്ടത്. അപകടത്തില്‍ പരിക്കേറ്റവരെ സ്വകാര്യ ആശുപത്രികളില്‍ പ്രവേശിപ്പിച്ചു.

Also Read: മഹാരാഷ്‌ട്രയിൽ ആക്ടീവ് കേസുകൾ 90,000 കടന്നു; ഡൽഹിയിൽ 4,906 രോഗബാധിതർ കൂടി


ഇന്ന് പുലര്‍ച്ചെ നാലരയോണ് അപകടം ഉണ്ടായത്. പരിക്കേറ്റ നാലുപേരുടെ നില ഗുരുതരമാണ്. കണ്ടക്ടറുടെ പരിക്ക് ഗുരുതരമാണ്. സ്ഥലത്ത് രക്ഷാപ്രവര്‍ത്തനം പൂര്‍ത്തിയായി. ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമെന്നാണ് നിഗമനം.

Also Read: മറഡോണയുടെ മരണ കാരണം മെഡിക്കൽ അനാസ്ഥ? ഡോക്ടറുടെ വീട്ടിലും ക്ലിനിക്കിലും റെയ്ഡ്

നാലുവരി പാതയുടെ വശത്തുള്ള മരത്തിലേക്ക് ബസ് ഇടിച്ചുകയറുകയായിരുന്നു. അപകടത്തില്‍ ബസിന്റെ മുന്‍ഭാഗം പൂര്‍ണമായും തകര്‍ന്നു. ഇടിയുടെ ആഘാതത്തില്‍ മരം കടപുഴകി. മരം മുറിച്ചുമാറ്റിയാണ് ഗതാഗതം പുനഃസ്ഥാപിച്ചത്.