ലോക്ക്ഡൗണിലെ കെഎസ്ആര്‍ടിസി സര്‍വീസ് നഷ്ടത്തില്‍; കേന്ദ്ര സഹായം തേടി കേരളം

തിരുവനന്തപുരം: ലോക്ക്ഡൗണിനിടയിലെ കെഎസ്ആര്‍ടിസി സര്‍വീസ് നഷ്ടത്തില്‍. തിങ്കളാഴ്ച മാത്രം 60 ലക്ഷം രൂപയുടെ നഷ്ടമാണ് കെഎസ്ആര്‍ടിസിയ്ക്ക് ഉണ്ടായത്. ഈ സാഹചര്യത്തില്‍ കേന്ദ്ര ഗതാഗത വകുപ്പിനെ സമീപിക്കാന്‍ തീരുമാനിച്ചിരിക്കുകയാണ് സംസ്ഥാന ഗതാഗത വകുപ്പ്.

Also Read: ഉംപുന് പിന്നാലെ ഉഷ്ണതരംഗം; രാജ്യം പൊള്ളുന്നു, ഡല്‍ഹിയില്‍ റെക്കോര്‍ഡ് ചൂട്

വ്യാഴാഴ്ച 1432 സര്‍വീസുകളാണ് ആകെ നടത്തിയത്. 2,41,223 കിമീ ആകെ ബസ് ഓടുകയും ചെയ്തു. എന്നാല്‍, വ്യാഴാഴ്ചത്തെ ആകെ നഷ്ടം ഏകദേശം 51 ലക്ഷത്തിന് മുകളിലാണ്. യാത്രക്കാരുടെ എണ്ണത്തില്‍ കഴിഞ്ഞ ദിവസം വര്‍ധനവ് ഉണ്ടായിട്ടുണ്ട്.


ഒരു കിമീ നഷ്ടമില്ലാതെ സര്‍വീസ് നടത്തണമെങ്കില്‍ 45 രൂപയാണ് വേണ്ടത്. വ്യാഴാഴ്ച കിമീ ലഭിച്ചത് 23.45 പൈസയാണ്. സാമൂഹിക അകലം പാലിച്ചുകൊണ്ട് ബസില്‍ പകുതി യാത്രക്കാരെ വെച്ച് സര്‍വീസ് നടത്തേണ്ടി വരുന്ന സാഹചര്യത്തില്‍ വലിയ നഷ്ടമാണ് കെഎസ്ആര്‍ടിസിയ്ക്കു ഉണ്ടാകുന്നത്.