ആലപ്പുഴ: സംസ്ഥാനത്ത് കെഎസ്ആര്ടിസി ഇലക്ട്രിക് ബസുകള് ദീര്ഘദൂരസര്വീസിന് നിരത്തിലിറക്കി ആദ്യദിനം തന്നെ ഒരു ബസ് ചാര്ജ് തീര്ന്ന് വഴിയിലായി. തിരുവനനന്തപുരത്തുനിന്ന് എറണാകുളത്തേയ്ക്ക് പോയ ബസാണ് ചേര്ത്തല എക്സ്റേ ജംഗ്ഷനു സമീപം യാത്രക്കാരെ പെരുവഴിയിലാക്കിയത്. ഇതോടെ വേണ്ടത്ര മുന്നൊരുക്കങ്ങള് നടത്താതെയാണ് ദീര്ഘദൂര സര്വീസുകള്ക്ക് കെഎസ്ആര്ടിസി വൈദ്യുത ബസുകള് ഉപയോഗിക്കുന്നതെന്ന ഒരു വിഭാഗം ജീവനക്കാരുടെ ആക്ഷേപം ശരിയാണെന്ന് തെളിഞ്ഞു. ചേര്ത്തല ഡിപ്പോയിൽ വൈദ്യുത ബസിന് ചാര്ജിങ് പോയിന്റ് ഇല്ല. ഏറെ ഗതാഗതക്കുരുക്കുള്ള ദേശീയപാതയിലൂടെ ബസ് സമയത്ത് എത്തിയില്ലെങ്കിലോ ഗതാഗതക്കുരുക്കിൽ പെട്ടു പോയാലോ ചാര്ജ് തീര്ന്ന് വഴിയിലാകാനുള്ള സാധ്യതയേറെയാണ്. ഇക്കാര്യങ്ങള് പരിഗണിക്കാതെയാണ് സര്വീസ് ആരംഭിച്ചിരിക്കുന്നതെന്ന് ജീവനക്കാര് ചൂണ്ടിക്കാട്ടിയിരുന്നു.
തിരുവനന്തപുരത്തു നിന്ന് കൊല്ലം, ആലപ്പുഴ വഴി എറണാകുളത്തേയ്ക്ക് വൈകുന്നേരങ്ങളിൽ 5 ഇലക്ട്രിക് ബസുകളാണ് സര്വീസ് തുടങ്ങിയിട്ടുള്ളത്. ഹ്രസ്വദൂരയാത്രകള്ക്കായി രൂപകൽപന ചെയ്തിരിക്കുന്ന ഇത്തരം ബസുകള് ഉപയോഗിച്ച് ദീര്ഘദൂര സര്വീസുകള് നടത്തുന്നതു തന്നെ അശാസ്ത്രീയമാണെന്ന് ഈ രംഗത്തെ വിദഗ്ധര് മുൻപ് ചൂണ്ടിക്കാട്ടിയിട്ടുള്ളതാണ്. ഇതിനു പുറമെയാണ് ബസ് സര്വീസ് നടത്തുന്ന ഡിപ്പോകളിൽ ആവശ്യത്തിന് ചാര്ജിങ് പോയിന്റുകള് ഒരുക്കാത്തത്.
നിലവിൽ ഇന്റര്സിറ്റി സര്വീസുകള്ക്കായി ഹരിപ്പാടും ആലപ്പുഴയിലുമാണ് കെഎസ്ആര്ടിസി ചാര്ജിങ് പോയിന്റുകള് സജ്ജീകരിച്ചിരിക്കുന്നത്. എന്നാൽ വഴിയിൽ ഒരു ഗതാഗതക്കുരുക്കോ ജാഥയോ വന്നാൽ മുൻ നിശ്ചയിച്ച സമയത്ത് ചാര്ജിങ് പോയിന്റുകളിൽ എത്താൻ സാധിക്കില്ല. ബസുകള് ശീതീകരിച്ചവയായതിനാൽ ബാറ്ററികളിൽ ശേഖരിച്ചിരിക്കുന്ന വൈദ്യുതിയുടെ വലിയൊരു ശതമാനം എസി പ്രവര്ത്തിപ്പിക്കാൻ ചെലവാകുന്നുണ്ട്. പൂര്ണ്ണമായും ബാറ്ററി ചാര്ജാകാൻ ഒരു മണിക്കൂറാണ് വേണ്ടത്.
നിലവിൽ എറണാകുളം ഡിപ്പോയിൽ ഒരു ചാര്ജിങ് പോയിന്റ് മാത്രമാണുള്ളത്. തേവര ഡിപ്പോയിൽ ചാര്ജിങ് പോയിന്റ് തയ്യാറാക്കാൻ ഇതുവരെ സാധിച്ചിട്ടുമില്ല.
തിരുവനന്തപുരത്തു നിന്ന് കൊല്ലം, ആലപ്പുഴ വഴി എറണാകുളത്തേയ്ക്ക് വൈകുന്നേരങ്ങളിൽ 5 ഇലക്ട്രിക് ബസുകളാണ് സര്വീസ് തുടങ്ങിയിട്ടുള്ളത്. ഹ്രസ്വദൂരയാത്രകള്ക്കായി രൂപകൽപന ചെയ്തിരിക്കുന്ന ഇത്തരം ബസുകള് ഉപയോഗിച്ച് ദീര്ഘദൂര സര്വീസുകള് നടത്തുന്നതു തന്നെ അശാസ്ത്രീയമാണെന്ന് ഈ രംഗത്തെ വിദഗ്ധര് മുൻപ് ചൂണ്ടിക്കാട്ടിയിട്ടുള്ളതാണ്. ഇതിനു പുറമെയാണ് ബസ് സര്വീസ് നടത്തുന്ന ഡിപ്പോകളിൽ ആവശ്യത്തിന് ചാര്ജിങ് പോയിന്റുകള് ഒരുക്കാത്തത്.
നിലവിൽ ഇന്റര്സിറ്റി സര്വീസുകള്ക്കായി ഹരിപ്പാടും ആലപ്പുഴയിലുമാണ് കെഎസ്ആര്ടിസി ചാര്ജിങ് പോയിന്റുകള് സജ്ജീകരിച്ചിരിക്കുന്നത്. എന്നാൽ വഴിയിൽ ഒരു ഗതാഗതക്കുരുക്കോ ജാഥയോ വന്നാൽ മുൻ നിശ്ചയിച്ച സമയത്ത് ചാര്ജിങ് പോയിന്റുകളിൽ എത്താൻ സാധിക്കില്ല. ബസുകള് ശീതീകരിച്ചവയായതിനാൽ ബാറ്ററികളിൽ ശേഖരിച്ചിരിക്കുന്ന വൈദ്യുതിയുടെ വലിയൊരു ശതമാനം എസി പ്രവര്ത്തിപ്പിക്കാൻ ചെലവാകുന്നുണ്ട്. പൂര്ണ്ണമായും ബാറ്ററി ചാര്ജാകാൻ ഒരു മണിക്കൂറാണ് വേണ്ടത്.
നിലവിൽ എറണാകുളം ഡിപ്പോയിൽ ഒരു ചാര്ജിങ് പോയിന്റ് മാത്രമാണുള്ളത്. തേവര ഡിപ്പോയിൽ ചാര്ജിങ് പോയിന്റ് തയ്യാറാക്കാൻ ഇതുവരെ സാധിച്ചിട്ടുമില്ല.