മാനന്തവാടി: കെ എസ് യു ജില്ലാ സംസ്ഥാന കമ്മിറ്റികൾ നിലവിൽ വന്നിട്ട് ഒന്നര വർഷം കഴിഞ്ഞിട്ടും ബ്ലോക്ക് കമ്മിറ്റികൾ നിലവിൽ വരാത്തത് രമേശ് ചെന്നിത്തലയുടെ പിടിപ്പുകേടുകൊണ്ടാണെന്ന് കെ എസ് യു സംസ്ഥാന കമ്മിറ്റി. സുൽത്താൻ ബത്തേരിയിൽ നടന്ന കെ എസ് യു സംസ്ഥാന എക്സിക്യൂട്ടീവ് യോഗത്തിലാണ് ചെന്നിത്തലയ്ക്കെതിരെ വിമർശനം ഉയർന്നത്. പ്രതിപക്ഷ നേതാവെന്ന നിലയിൽ രമേശ് ചെന്നിത്തല തികഞ്ഞ പരാജയമാണെന്നും സംസ്ഥാന കമ്മിറ്റിയിലെ അംഗങ്ങൾ വിമർശനം ഉന്നയിച്ചു. ഇതിൽ പ്രതിഷേധിച്ച് ഐ ഗ്രൂപ്പ് അംഗങ്ങൾ ഇറങ്ങിപ്പോയി. പ്രതിപക്ഷ നേതാവ് യുഡിഎഫിന്റെ കാര്യം നോക്കട്ടെയെന്നും കെ എസ് യുവിന്റെ കാര്യം നോക്കാൻ സംസ്ഥാന കമ്മിറ്റിക്ക് അറിയാമെന്നും യോഗം വ്യക്തമാക്കി.
കെ എസ് യുവിനെ നശിപ്പിക്കുന്ന നിലപാട് രമേശ് ചെന്നിത്തല ഉപേക്ഷിക്കണമെന്നും അല്ലാത്തപക്ഷം പ്രതിപക്ഷ നേതാവ് സ്ഥാനത്ത് തുടരുന്നകാര്യം അദ്ദേഹം പരിശോധിക്കട്ടേയെന്നും കെ എസ് യു സംസ്ഥാന കമ്മിറ്റി വിലയിരുത്തി.
കെ എസ് യുവിനെ നശിപ്പിക്കുന്ന നിലപാട് രമേശ് ചെന്നിത്തല ഉപേക്ഷിക്കണമെന്നും അല്ലാത്തപക്ഷം പ്രതിപക്ഷ നേതാവ് സ്ഥാനത്ത് തുടരുന്നകാര്യം അദ്ദേഹം പരിശോധിക്കട്ടേയെന്നും കെ എസ് യു സംസ്ഥാന കമ്മിറ്റി വിലയിരുത്തി.