ന്യൂഡൽഹി: രണ്ടാം എൻഡിഎ സർക്കാരിൽ ആരൊക്കെ മന്ത്രിമാരാകും എന്ന ചർച്ച സജീവമായിരിക്കെ ബിജെപി നേതാവും മിസോറാം മുൻഗവർണറുമായ കുമ്മനം രാജശേഖരനെ ബിജെപി നേതൃത്വം ഡൽഹിക്ക് വിളിപ്പിച്ചു. വ്യാഴാഴ്ച പുലർച്ചെ തിരുവനന്തപുരം വിമാനത്താവളത്തിൽനിന്നും ഡൽഹിക്ക് പുറപ്പെടുമെന്ന് അദ്ദേഹം വ്യക്തമാക്കി. രണ്ടാം എൻഡിഎ സർക്കാരിൽ കേരളത്തിൽനിന്നും ഒരു മന്ത്രി ഉണ്ടാകുമെന്ന് അഭ്യൂഹം ഉണ്ടായിരുന്നു. കുമ്മനത്തിനു പുറമെ വി മുരളീധരൻ, സുരേഷ് ഗോപി, അൽഫോൻസ് കണ്ണന്താനം എന്നിവരും ഡൽഹിയിൽ നടക്കുന്ന ചർച്ചയിൽ പങ്കെടുക്കുമെന്നാണ് വിവരം.
അതേസമയം മന്ത്രിമാരുടെ പട്ടിക പൂർത്തിയായതായി സൂചന. കഴിഞ്ഞ മന്ത്രിസഭയിൽ മികവ് പുലർത്തിയ പ്രകാശ് ജാവഡേക്കർ, അർജുൻ റാം മേഘ്വാൾ, രവിശങ്കർ പ്രസാദ്, ധർമേന്ദ്ര പ്രധാൻ, നരേന്ദ്ര സിങ് തോമർ എന്നിവർ മന്ത്രിസഭയിൽ തുടരും.
ബിജെപി ദേശീയാധ്യക്ഷൻ അമിത് ഷാ മന്ത്രി സഭയിലേക്കില്ല. പാർട്ടിയുടെ ദേശീയാധ്യക്ഷ സ്ഥാനത്ത് തന്നെ അമിത് ഷാ തുടരും. അപ്നാ ദൾ നേതാവ് അനുപ്രിയ പട്ടേലും മന്ത്രിസഭയിലുണ്ടാകും.
അതേസമയം മന്ത്രിമാരുടെ പട്ടിക പൂർത്തിയായതായി സൂചന. കഴിഞ്ഞ മന്ത്രിസഭയിൽ മികവ് പുലർത്തിയ പ്രകാശ് ജാവഡേക്കർ, അർജുൻ റാം മേഘ്വാൾ, രവിശങ്കർ പ്രസാദ്, ധർമേന്ദ്ര പ്രധാൻ, നരേന്ദ്ര സിങ് തോമർ എന്നിവർ മന്ത്രിസഭയിൽ തുടരും.
ബിജെപി ദേശീയാധ്യക്ഷൻ അമിത് ഷാ മന്ത്രി സഭയിലേക്കില്ല. പാർട്ടിയുടെ ദേശീയാധ്യക്ഷ സ്ഥാനത്ത് തന്നെ അമിത് ഷാ തുടരും. അപ്നാ ദൾ നേതാവ് അനുപ്രിയ പട്ടേലും മന്ത്രിസഭയിലുണ്ടാകും.