കുണ്ടറ മരണം: പ്രതി വിക്​ടറിന്‍റെ മകൻ കസ്റ്റഡിയിൽ

കൊല്ലം: കുണ്ടറയിലെ പീഡനക്കേസുമായി ബന്ധപ്പെട്ട് പ്രതിയുടെ മകനെയും പോലീസ് കസ്റ്റഡിയിലെടുത്തു. പ്രതി വിക്ടർ ദാനിയേലിന്‍റെ മകനെയാണ് പോലീസ് ഇപ്പോൾ കസ്റ്റഡിയിലെടുത്തിരിക്കുന്നത്.

അതേ സമയം കേസ് കൈകാര്യം ചെയ്യുന്നതിൽ പോലീസിന് ഗുരതര വീഴ്ച പറ്റിയതായി റിപ്പോർട്ടുണ്ട്. 14കാരന്‍റെ മരണത്തിൽ ദുരൂഹതയുണ്ടെന്ന് ആരോപിച്ച് 2010ൽ കുട്ടിയുടെ അമ്മയും സഹോദരിയും പോലീസിന് പരാതി നൽകിയിരുന്നു.

എന്നാൽ പോലീസ് പരാതിക്കാരുടെ മൊഴിയെടുത്തിട്ടില്ല. കുട്ടിയുടെ ആന്തരികാവയവങ്ങൾ വിദഗ്ധ പരിശോധനക്ക് അയക്കാനും പോലീസ് തയാറായില്ല. കുണ്ടറ ബലാൽസംഘക്കേസുമായി ബന്ധപ്പെട്ട് സസ്പെൻഷനിലായ സി.ഐ ഷാബുവാണ് അന്ന് കേസ് അന്വേഷിച്ചിരുന്നത്.

കൂടാതെ പ്രതി വിക്ടർ പതിമൂന്നുകാരിയായ ബന്ധുവിനെയും പീഡിപ്പിച്ചിരുന്നെന്ന് പോലീസ് കഴിഞ്ഞദിവസം കണ്ടെത്തിയിരുന്നു. 14 കാരനായ കുട്ടിയെ കൊലപ്പെടുത്തിയതും ഇയാൾ തന്നെയെന്ന് പോലീസ് വ്യക്തമാക്കി. അയല്‍ക്കാരനായ കുട്ടിയുടെ മരണത്തിൽ ഇയാൾക്ക് പങ്കുണ്ടെന്ന് കാട്ടികുട്ടിയുടെ അമ്മ നൽകിയ പരാതിയിന്മേൽ പോലീസ് പുനരന്വേഷണത്തിന് ഉത്തരവിട്ടിട്ടുണ്ട്. കൊട്ടാരക്കര ഡിവൈഎസ്‌പിക്കാണ് അന്വേഷണ ചുമതല.

2010ലാണ് 14 വയസുള്ള കുട്ടി കൊല്ലപ്പെട്ടത്. ബന്ധുവായ കുട്ടിയെ പീഡിപ്പിച്ച സംഭവത്തിൽ വിക്ടറിനെതിരെ ഇന്ന് പോലീസ് കേസ് റജിസ്റ്റർ ചെയ്‌തു. അയൽക്കാരനായ കുട്ടി വീട്ടിൽ ആരുമില്ലാത്ത സമയത്ത് തൂങ്ങി മരിച്ച നിലയിൽ കാണപ്പെടുകയായിരുന്നു. അന്ന് കുട്ടിയുടെ കുടുംബം കൊലപാതക സംശയം ഉന്നയിച്ച് പരാതി നൽകിയിരുന്നെങ്കിലും പോലീസ് ആ കേസ് അന്വേഷിച്ചിരുന്നില്ല.

Kundara Case: Son of Culprit Victor also arrested

Son of main Culprit Victor also arrrested in Kundara Case