കുണ്ടറ പീഡനം: പെണ്‍കുട്ടിയുടെ അച്‍ഛനെ പ്രതിയാക്കിയിട്ടില്ലെന്ന് എസ്‍പി

കൊല്ലം: കുണ്ടറ പീഡനക്കേസില്‍ പെണ്‍കുട്ടിയുടെ അച്‍ഛനെ പ്രതിയാക്കി എന്ന തരത്തില്‍ വരുന്ന വരാ‍ത്തകള്‍ വാസ്‍തവമല്ലെന്ന് കൊല്ലം റൂറല്‍ എസ്‍പി എസ് സുരേന്ദ്രന്‍ പറഞ്ഞു. കുട്ടിയുടെ അച്‍ഛന് പറയാനുള്ള കാര്യങ്ങള്‍ അറിയാനാണ് വിളിപ്പിച്ചത്. അവ രേഖപ്പെടുത്തിയശേഷം അച്‍ഛനെ വിട്ടയച്ചെന്നും അദ്ദേഹം പറഞ്ഞു.

അച്‍ഛനെ പ്രതിയാക്കി കേസ് അവസാനിപ്പിക്കാന്‍ പോലീസ് ഒരു നീക്കവും നടത്തിയിട്ടില്ല. അതിന് സഹായിക്കുന്ന ഒരു തെളിവും ഇതുവരെ ലഭിച്ചിട്ടുമില്ല. എന്നാല്‍ ആവശ്യമുണ്ടെങ്കില്‍ അച്‍ഛനെ ഇനിയും വിളിപ്പിക്കും, എസ്‍പി പറഞ്ഞു.

പലരെയും ഇതുപോലെ ചോദ്യം ചെയ്യാനായി വിളിപ്പിച്ചിട്ടുണ്ട്. എന്നാല്‍, സംശയിക്കുന്ന കാര്യങ്ങള്‍ പലരും തുറന്നുപറയാത്തതാണ് പ്രശ്‍നം. അതിനാലാണ് നുണപരിശോധന നടത്തുന്നതെന്നും എസ്‍‍പി പറഞ്ഞു.

Kundara rape: Not charge against father

Kollam rural SP said that the father of the girl who was killed after being raped in Kundara has not been charged so far.